உலகெங்கும் 21 கோடி குழந்தைத் தொழிலாளர்கள்

by mohaideen Thu Dec 06, 2012 6:04 pm

உலகெங்கும் 21 கோடி குழந்தைத் தொழிலாளர்கள் – இவர்களின் உழைப்பு யாருக்குப் போகிறது?

உலகெங்கும் 21 கோடி குழந்தைத் தொழிலாளர்கள் Child4

72 மணி நேரங்களுக்கு முன்பு டெல்லியில் 14 குழந்தைகள் சிறார் தொழிலில் இருந்து காப்பாற்றப்பட்டுள்ளார்கள். இவர்களில் இருவர் எட்டு வயதே நிரம்பிய பாலகர்கள்.

இவர்கள் அனைவரும் இருட்டறையில் அடைத்து வைக்கப்பட்டு கடின வேலை வாங்கப்பட்ட கொத்தடிமைச்சிறார்கள். இவர்களுக்கு சரியான உணவு வழங்கப்படவில்லை. இவர்களில் சூரியஒளி பட்டே நீண்டகாலமாகி இருக்கலாம். பலரில் நிறையக் காயங்களும் இருந்தன. அவை அவர்கள் செய்த வேலையின் காரணமாகவோ இல்லை அவர்களின் எஜமான் கொடுத்த தண்டனையாலோ என்பது விசாரணைகளின் பின்னர்தான் தெரிய வரலாம். செல்வாக்குள்ள எஜமானாக இருந்தால் விசாரணைகளுக்கே இடமிருக்காது என்பது இந்தியத் தலை எழுத்து.

இது அவர்களுக்கு கிடைத்த நத்தார் பரிசு என்று ஒரு அறிக்கை கூறுகிறது. ஆனால் இதில் வேடிக்கை என்னவென்றால் அவர்கள் காப்பாற்றப்படும் போது செய்து கொண்டிருந்தது நத்தாருக்கான அலங்கார சோடனைப் பொருட்கள். இவை அனைத்தும் மேலை நாடுகளில் பகட்டுக் காகிதங்களில் சுற்றி அழகாக காசாக்கப்படும். ஏனென்றால் அவர்களுக்கு ஒன்றுமே தெரியாதாம்.

உலகெங்கும் 21 கோடி குழந்தைத் தொழிலாளர்கள் Child3

குழந்தைத் தொழிலாளர்களைப் பற்றி வாய் கிழிய பேசிக்கொண்டிருக்கும் மேலைத்தேய நாடுகளின் தேவைகளை குறைந்த விலையில் பூர்த்தி செய்யத் தான் இந்த சிறார்களில் பெரும்பாலானோர் அடிமைகளாக இருக்கிறார்கள் என்பது இந்த நாடுகளுக்குத் தெரியாதா என்ன? அவர்கள் நினைத்தால் மட்டுமே இது பூரணமாக ஒழியும.

உலகெங்கும் 21 கோடிக்கும் மேற்பட்ட சிறுவர் சிறுமியர் கட்டாயமாக வேலை செய்ய நிர்ப்பந்திக்கப்படுகிறார்கள் என்று சிறார் தொழில் செய்வது குறித்த புதிய அறிக்கை ஒன்று கூறுகிறது.
இவர்களில் சுமார் ஒன்றரை கோடி சிறார்கள் எந்த ஒரு பள்ளிக் கல்வியும் கிடைக்கப் பெறாமலே இருக்கிறார்கள் என்று அது கூறுகிறது.

உலகெங்கும் 21 கோடி குழந்தைத் தொழிலாளர்கள் Child2

இதுபோல சிறார்கள் வேலை வாங்கப்படுவது குறைந்து வரும் விகிதம் மிகவும் மந்தமாகவே இருப்பதாகவும், உலக அளவில் கல்வியை மேம்படுத்த எடுக்கப்பட்டுவரும் முயற்சிகளை இது குலைப்பதாகவும், கல்விக்கான ஐ.நா மன்ற சிறப்புத் தூதர் (முன்னாள் பிரிட்டிஷ் பிரதமர் கோர்டன் பிரவுன்) அலுவலகத்தால் வெளியிடப்பட்ட இந்த அறிக்கை கூறுகிறது.
ஆப்ரிக்காவில் வேலையில் ஈடுபட நேரிடும் சிறார்களின் எண்ணிக்கை 2020ம் ஆண்டு வாக்கில் மேலும் 1.6 கோடியாக அதிகரிக்கும் என்று ஒரு கணிப்பு கூறுகிறது.

http://www.myoor.com/215-million-children-are-in-some-kind-of-employment/

by Manik Thu Dec 06, 2012 6:24 pm

இன்னுமும் எங்க ஊர்ல படிக்க போகாம நிறைய பேர் வேலைக்கு போறாங்க சொன்னாலும் கேக்க மாட்டேங்கிறாங்க

உலகெங்கும் 21 கோடி குழந்தைத் தொழிலாளர்கள்

உலகெங்கும் 21 கோடி குழந்தைத் தொழிலாளர்கள்

Re: உலகெங்கும் 21 கோடி குழந்தைத் தொழிலாளர்கள்