ஆவடியில் ராணுவ உடை தொழிற்சாலை மூடப்படாது: மத்திய அரசு அறிவிப்பால் தொழிலாளர்கள் மகிழ்ச்சி

ஆவடி:

ஆவடியில் உள்ள படைத்துறை உடை தொழிற்சாலை (ஓ.சி.எப்) கடந்த
1961ம் ஆண்டில் காமராஜர் ஆட்சி காலத்தில் அப்போது மத்திய
ராணுவ துறை அமைச்சராக இருந்த கிருஷ்ண மேனன் முயற்சியால்
துவங்கப்பட்டது.

இந்த தொழிற்சாலையில் ராணுவத்தில் பணியாற்றும் அதிகாரிகள்,
வீரர்களுக்கு அனைத்து வகையான சீருடைகள், கோட், மேற்கூரை
(டென்ட்), பாராசூட், ஷு உள்ளிட்டவை தயாரிக்கப்படுகின்றன.

இங்கு 811 பெண்கள் உள்பட 2121 தொழிலாளர்கள் பணியாற்றி
வருகின்றனர். 200க்கு மேற்பட்ட ஒப்பந்த தொழிலாளர்களும்,
150க்கு மேற்பட்ட பயிற்சி பழகுனரும் வேலை செய்து வருகின்றனர்

.இந்த தொழிற்சாலையை வரும் ஏப்ரல் மாதத்தில் மூடப் போவதாக
மத்திய அரசு முடிவு செய்தது.

இதனால் அங்கு பணியாற்றும் ஊழியர்கள் வேலை இழக்கும் அபாயம்
ஏற்பட்டு உள்ளது. இதைக் கண்டித்து, கடந்த ஒன்றரை மாதமாக
தொழிலாளர்கள் பல்வேறு போராட்டங்களில் ஈடுபட்டனர்.

நேற்று முன்தினம் அனைத்து தொழிற்சங்கங்கள் சார்பில் ஆவடி
நகராட்சி அலுவலகம் அருகே உண்ணாவிரதம் நடைபெற்றது.
இதில் அரசியல் கட்சி தலைவர்கள் கி.வீரமணி, திருமாவளவன்,
பாலகிருஷ்ணன், வேல்முருகன், பூவை.ஜெகன்மூர்த்தி, திமுக
செயலாளர் ஆவடி சா.மு.நாசர், தமாகா மாவட்ட தலைவர்
விக்டரி மோகன் உள்ளிட்டோர் கலந்துகொண்டு மத்திய அரசுக்கு
கண்டனம் தெரிவித்தனர்

.இதனிைடயே தொழிற்சங்கங்களின் கோரிக்கையை ஏற்று,
ஆவடி உடை தொழிற்சாலையை தனியாருக்கு வழங்க மாட்டோம்.
பணியாளர்களை மாற்ற மாட்டோம்.

மேலும், இத்தொழிற்சாலைக்கு வழங்க வேண்டிய 3 ஆயிரம்
கோடியை வழங்குவதாகவும் மத்திய பாதுகாப்பு துறை
அறிவித்துள்ளது.இதைத் தொடர்ந்து, ஏற்கனவே அறிவித்திருந்த
ஒரு நாள் வேலைநிறுத்த போராட்டத்தை தொழிலாளர்கள்
தற்காலிகமாக ஒத்திவைத்துள்ளனர்.

மேலும் தொழிற்சாலை மூடப்படாது என்று மத்திய அரசு
அறிவித்துள்ளதால் அதில் பணியாற்றும் தொழிலாளர்கள்
மகிழ்ச்சியில் உள்ளனர்.
-
-------------------------------------
தினகரன்