7 மக்களவை தொகுதி இடைத்தேர்தல்: பாஜகவை தோற்கடிக்க காங்கிரஸ் தீவிரம்

by rammalar Sun Oct 08, 2017 3:10 pm

இடைத்தேர்தலை சந்திக்கும் 7 மக்களவை தொகுதிகளிலும்
பாரதிய ஜனதாவை தோற்கடிக்க காங்கிரஸ் கட்சி தீவிரமாக
உள்ளது.

பஞ்சாப் மாநிலம், குருதாஸ்பூர் மக்களவை தொகுதிக்கு
அக்டோபர் 11-ல் இடைத்தேர்தல் நடைபெறுகிறது.
இதேபோல், காலியாக இருக்கும் 6 மக்களவை தொகுதிகளுக்கும்
தேர்தல் அறிவிக்கப்பட உள்ளது. இந்நிலையில் செல்வாக்கு
நிறைந்த தொகுதிகளில் மட்டும் வேட்பாளரை நிறுத்துவது
என காங்கிரஸ் முடிவு செய்துள்ளது.

மற்ற இடங்களை பாரதிய ஜனதாவுக்கு எதிரான பிற கட்சிகளுக்கு
விட்டுக்கொடுக்க உள்ளது.

பஞ்சாபின் குருதாஸ்பூர் தொகுதியில் மாநில காங்கிரஸ் தலைவர்
சுனில் ஜோக்கட் நிறுத்தப்பட்டுள்ளார். இதுபோல் மற்ற
6 மக்களவை தொகுதிகளுக்கும் காங்கிரஸ் தனது திட்டத்தை
முன்கூட்டியே வகுத்துள்ளது.

ராஜஸ்தானின் ஆல்வர் தொகுதியில் ராகுலுக்கு நெருக்கமானவரும்
முன்னாள் மத்திய அமைச்சருமான ஜிதேந்திர சிங் நிறுத்தப்பட
உள்ளார்.

இவர் கடந்தமுறை இதே தொகுதியில் பாஜகவிடம் தோற்றவர்.
மற்றொரு தொகுதியான அஜ்மீரில் ராகுலின் தோழரான
சச்சின் பைலட் போட்டியிடுகிறார்.

பிஹாரின் அரரியா மற்றும் மேற்கு வங்கத்தின் உலுபேரியா ஆகிய
தொகுதிகளில் பிற கட்சிகளுக்கு காங்கிரஸ் ஆதரவளிக்க உள்ளது.
இதுபோல் உ.பி. முதல்வர் ஆதித்யநாத்தின் கோரக்பூர் தொகுதியில்
சமாஜ்வாதி கட்சிக்கும் துணை முதல்வரின் பூல்பூர் தொகுதியில்
பகுஜன் சமாஜுக்கும் காங்கிரஸ் கட்சி ஆதரவளிக்க உள்ளது.

இதன்மூலம், 7 தொகுதிகளிலும் பாஜகவை தோற்கடிப்பதே காங்கிரஸ்
கட்சியின் குறிக்கோளாக உள்ளது.
-
------------------
தி இந்து