200 விமான பயணிகளுக்கு இலவச ஸ்மார்ட்போன்: சாம்சங் தாராளம்

by rammalar Thu Oct 26, 2017 6:03 am

-

மாட்ரிட்:
ஸ்பெயினில் விமானத்தில் பயணித்த 200 பயணிகளுக்கு
சாம்சங் நிறுவனம் கேலக்சி நோட்-8 மாடல் ஸ்மார்ட்
போன்களை இலவசமாக வழங்கியது.

கடந்த ஆண்டு சாம்சங் கேலக்சி நோட் 7 ஸ்மார்ட்போன்
பேட்டரிகள் திடீரென தீப்பிடித்ததன் காரணமாக பல்வேறு
நாடுகளிலும் இந்த போன்களுக்கு தடை விதிக்கப்பட்டது.

விமானங்களில் இது போன்ற சாம்சங் கேலக்சி நோட் 7
போன்களில் உஷ்ணம் அதிகமாகி, தீப்பொறிகள்
கிளம்பியதை அடுத்து பயணிகளின் பாதுகாப்பை
கருத்தில் கொண்டே இந்த தடை விதிக்கப்பட்டுள்ளதாக
கூறப்படுகிறது.

இதையடுத்து கேலக்சி நோட் 7 ஸ்மார்ட்போன்கள் திரும்ப
பெறப்பட்டன.

இந்நிலையில் தற்போது அறிமுகப்படுத்தியுள்ள சாம்சங்
கேலக்சி நோட்-8 ரக ஸ்மார்ட் போன் மிகவும்
பாதுகாப்பானவை என விமான பயணிகளிடம் தெரிவிக்கும்
விதமாக இலவசமாக நோட்-8 ஸ்மார்ட் மொபைல்
போன்களை சாம்சங் வழங்கி பயணிகளுக்கு இன்ப
அதிர்ச்சி அளித்தது.

ஸ்பெயினின் ஐபிரியா- மாட்ரிட் இடையே விமான பயணம்
மேற்கொண்ட 200 பயணிகளுக்கு நோட்-8 ஸ்மார்ட் போனை,
விமான பணி பெண்களே பயணிகளுக்கு விநியோகம்
செய்தனர். இந்திய ரூபாய் மதிப்பில் சுமார் 68 ஆயிரம்
ரூபாய் மதிப்பிலான சாம்சங் நோட் -8 ஸ்மார்ட் போனை
இலவசமாக வாங்கிய பயணிகள் இன்ப அதிர்ச்சியில்
ஆழ்ந்தனர்.

விமான பயணிகளின் சந்தோஷம் அடையும் காட்சி
அடங்கிய வீடியோ சமூக வலைதளங்களில் வைரலாக பரவி
வருகிறது.
-
------------------------------
தினமலர்