பார்லி.,யை விரைவில் கூட்டுங்கள்: ஜனாதிபதிக்கு காங்., கடிதம்

புதுடில்லி:
பார்லி., குளிர்கால கூட்டத்தொடரை விரைவில் கூட்ட
மத்திய அரசை வலியுறுத்துமாறு ஜனாதிபதிக்கு காங்., கட்சியினர்
கடிதம் அனுப்பி உள்ளனர்.

குஜராத் தேர்தலுக்காக பார்லி., குளிர்கால கூட்டத்தொடரை
மத்திய அரசு தாமதப்படுத்தி வருவதாக எதிர்கட்சிகள் குற்றம்
சாட்டி வருகின்றன. இந்நிலையில் பார்லி., குளிர்கால கூட்டத்
தொடரை விரைவில் கூட்டுமாறு காங்., தலைவர்கள்
குலாம் நபி ஆசாத், மல்லிகார்ஜுன கார்கே, ஆனந்த் சர்மா
மற்றும் தீபேந்தர் ஹூடா ஆகியோர் சார்பில் ஜனாதிபதி
ராம்நாத் கோவிந்துக்கு கடிதம் அனுப்பப்பட்டுள்ளது.

கடிதத்தில் தெரிவிக்கப்பட்டுள்ளதாவது:

குஜராத் தேர்தலை கருத்தில் கொண்டு மத்திய அரசு பார்லி.,
குளிர்கால கூட்டத்தெடரை தாமதப்படுத்தி வருகிறது.
இச்செயலானது தவறான முன்னுதாரணமாக அமைய
வாயப்புள்ளது. மத்திய அரசின் கொள்கைகளால் எதிர்
விளைவுகள் ஏற்பட்டுள்ளன.

இதுகுறித்து குளிர்கால கூட்டத்தொடரில் எதிர்கட்சிகள் கேள்வி
எழுப்பும் என்பதால் மத்திய அரசு தாமதப்படுத்தி வருகிறது.
எனவே குளிர்கால கூட்டத்தொடரை விரைவில் கூட்ட ஜனாதிபதி
உத்தரவிட வேண்டும். இவ்வாறு அதில் தெரிவிக்கப்பட்டுள்ளது
-
-------------------------
தினமலர்