கமலை சந்தித்த ரூபா ஐ.பி.எஸ்.,

பெங்களூரு சிறையில், சசிகலாவின் மோசடிகளை அம்பலப்படுத்திய,
கர்நாடகாவை சேர்ந்த, பிரபல, ஐ.பி.எஸ்., அதிகாரி, ரூபா, நடிகர்
கமல்ஹாசனை சந்தித்துள்ளார்.

சொத்துக்குவிப்பு வழக்கில், சிறைத்தண்டனை பெற்ற சசிகலா
மற்றும் இளவரசியும், பெங்களூரு, பரப்பன அக்ரஹார சிறையில்
அடைக்கப்பட்டுள்ளனர். அவர்களுக்கு, சிறையில் சொகுசு வசதிகள்
செய்யப்பட்டு உள்ளதை, அங்கு பணிபுரிந்த, ஐ.பி.எஸ்., அதிகாரி,
ரூபா, வெளிச்சத்திற்கு கொண்டு வந்தார்.

அதனால், தமிழகத்திலும் அவர், பிரபலமானார். அவரது பணியை
பாராட்டி, மத்திய அரசு, பரிசு வழங்கி கவுரவித்தது.

இந்நிலையில், அவர் தன், 'டுவிட்டர்' பக்கத்தில், கமல்ஹாசனுடன்
சேர்ந்து எடுத்த புகைப்படத்தை, வெளியிட்டு, பரபரப்பை ஏற்படுத்தி
உள்ளார். இந்த சந்திப்பு, டில்லியில் சந்தித்ததாக தெரிகிறது.
-
------------------------------

- நமது நிருபர் -தினமலர்

_________________