ரேஷன் பொருட்கள் வைக்க ரூ.15 கோடியில் கிடங்கு

ரேஷனில் வழங்கும் அரிசி உள்ளிட்ட பொருட்களை வைக்க,
கூடுதலாக, 12 ஆயிரம் டன் கொள்ளளவில், சேமிப்பு கிடங்குகள்
கட்ட, நுகர்பொருள் வாணிப கழகம் முடிவு செய்துள்ளது.

தமிழக ரேஷன் கடைகளில், அரிசி, கோதுமை, சர்க்கரை
உள்ளிட்டவை, மானிய விலையில் வழங்கப்படுகின்றன.
இவற்றை, இந்திய உணவு கழகம் மற்றும் தனியார்
நிறுவனங்களிடம் இருந்து, நுகர்பொருள் வாணிப கழகம்
கொள்முதல் செய்கிறது.

பின், அவற்றை சொந்த மற்றும் வாடகை கிடங்குகளில்
இருப்பு வைக்கிறது. அங்கிருந்து, தேவைக்கு ஏற்ப, ரேஷன்

கடைகளுக்கு, 'சப்ளை செய்கிறது.
தற்'போது, வாணிப கழகம், நெல்லை மாவட்டம், செங்கோட்டையில்,
3,000 டன்; மதுரை, மேலுாரில், 4,500 டன்; மதுரை மேற்கு தாலுகாவில்,
2,500 டன்; விழுப்புரம், சின்னசேலத்தில், 2,000 டன் கொள்ளளவில்,
புதிய கிடங்குகள் கட்ட உள்ளது.

இது குறித்து, வாணிப கழக அதிகாரி ஒருவர் கூறுகையில், '
புதிய கிடங்குகள், 15 கோடி ரூபாய் செலவில் கட்டப்படும்;
அவை, சூரிய ஒளிபடும்படி, மழை நீர் உட்புகாத வகையில்,
நவீன தொழில்நுட்பத்தில் அமைக்கப்படும்' என்றார்.
-
------------------------
- நமது நிருபர் -தினமலர்