சச்சின் மகளுக்கு தொந்தரவு: மேற்கு வங்க வாலிபர் கைது

-

மும்பை:
பிரபல கிரிக்கெட் வீரரும், ராஜ்யசபா எம்.பி.,யுமான
சச்சின் டெண்டுல்கரின் மகள் சாராவை தொலைபேசியில்
பேசி, கடத்தப்போவதாக மிரட்டல் விடுத்த மேற்கு வங்க
மாநில இளைஞரை போலீசார் கைது செய்து விசாரணை
நடத்தி வருகின்றனர்.

பிரபல கிரிக்கெட் வீரர், ராஜ்யசபா எம்.பி., சச்சின் டெண்டுல்கர்.
அவரது மகள் சாரா. அவரை தொலைபேசி மூலம் தொடர்பு
கொண்ட வாலிபர் ஒருவர் ஆபாசமாக பேசியும் ,
கடத்தப்போவதாகவும் மிரட்டல் விடுத்துள்ளார்.

அவர் 20க்கும் மேற்பட்ட முறை தொலைபேசியில் சச்சின்
வீ்ட்டிற்கு தொடர்பு கொண்டுள்ளார். இது தொடர்பாக
டெண்டுல்கர் குடும்பத்தினர் மும்பையின் பந்த்ரா போலீஸ்
ஸ்டேசனில் புகார் அளித்தனர்.

விசாரணை நடத்திய போலீசார், போனில் பேசியவர்
மேற்கு வங்க மாநிலத்தை சேர்ந்த தேவ்குமார் மைதி என
தெரியவந்தது.

இதனையடுத்து மும்பை மற்றும் மேற்கு வங்க மாநில போலீசார்
இணைந்து, கிழக்கு மிட்னாப்பூர் மாவட்டத்தில்
தேவ்குமார் மைதியை கைது செய்து விசாரணை நடத்தி
வருகின்றனர்.
-
-----------------------
தினமலர்