'செல்லாத நோட்டுகளை இன்னும் எண்ணவில்லை'

புதுடில்லி :
'மத்திய அரசின் பண மதிப்பிழப்பு நடவடிக்கைக்கு பின்,
செல்லாததாக அறிவிக்கப்பட்ட, பழைய, 500 மற்றும், 1,000 ரூபாய்
நோட்டுகளை எண்ணி சரி பார்க்கும் பணி, இன்னும்
முடிவடையவில்லை' என, ரிசர்வ் வங்கி தெரிவித்து உள்ளது.

'செல்லாத நோட்டுகளை இன்னும் எண்ணவில்லை'


கடந்த, 2016, நவம்பர், 8ல், 500 மற்றும், 1,000 ரூபாய் நோட்டுகள்
செல்லாது என்று மத்திய அரசு அறிவித்தது.

இதையடுத்து, தங்களிடம் இருந்த ரூபாய் நோட்டுகளை,
பொதுமக்கள், வங்கிகளில், டிபாசிட்'செய்தனர்.

கடந்த, 2016, நவம்பர், 8ம் தேதி வரை, 1,716 கோடி, 500 ரூபாய்
நோட்டுகளும், 685 கோடி, 1,000 ரூபாய் நோட்டுகளும், புழக்கத்தில்
இருப்பதாக ரிசர்வ் வங்கி அறிவித்தது. இதில், 99 சதவீத ரூபாய்
நோட்டுகள் திரும்ப வந்துவிட்டதாக, 2016 - 17ஆண்டறிக்கையில்
ரிசர்வ் வங்கி தெரிவித்தது.

இந்நிலையில், 'இந்த பண மதிப்பிழப்பு நடவடிக்கையில்,
திரும்ப வந்துள்ள தொகை எவ்வளவு' என, தகவல் அறியும் உரிமை ச
ட்டத்தின் கீழ், மனு தாக்கல் செய்யப்பட்டது.

இதற்கு ரிசர்வ் வங்கி அளித்துள்ள பதிலில், 'ஒரு சில வங்கி
கிளைகளில் பெறப்பட்ட ரூபாய் நோட்டுகளை எண்ணி, அவை
நல்ல நோட்டுகளா என, சரிபார்க்கும் பணி துரிதமாக நடந்து
வருகிறது.

அது முடிந்த பின்னரே, முழுமையான தொகை தெரிய வரும்' என,
தெரிவிக்கப்பட்டுள்ளது.
-
----------------------------------------------
தினமலர்