ஏப்ரலில் பூமியில் விழும் சீன விண்வெளி ஆய்வு நிலையம்

பீஜிங் :
கட்டுப்பாட்டை இழந்த சீன விண்வெளி ஆய்வு நிலையம்,
ஏப்ரல் தொடக்கத்தில் பூமியில் விழும் என்று ஐரோப்பிய
விண்வெளி ஆய்வு முகமை தெரிவித்துள்ளது.

2011ஆம் ஆண்டு விண்ணில் ஏவப்பட்ட டியாங்காங் 1 என்ற
ஆய்வு நிலையம் பின்னர் கட்டுப்பாட்டை இழந்தது.

தற்போது மணிக்கு 27,000 கிலோ மீட்டர் வேகத்தில் இந்த
நிலையமானது பூமியை சுற்றி நகர்ந்து கொண்டிருக்கிறது.
இது ஏப்ரல் ஒன்றாம் தேதியோ அல்லது அதனை ஒட்டிய
தினங்களிலோ வளி மண்டலத்தில் நுழைந்து பசிபிக்
பெருங்கடலில் சிதைந்து விழ வாய்ப்பு இருப்பதாக
ஐரோப்பிய விண்வெளி ஆய்வு முகமை ஆராய்ச்சியாளர்கள்
தெரிவித்துள்ளனர்.

அதிவேகத்தில் விழும் போது ஏற்படும் வெப்பத்தால் ஆய்வு
நிலையம் துகள்களாக சிதைந்து விடும் என்றும், இதனால்
மனிதர்களுக்கு காயம் எதுவும் ஏற்படாது என்றும்
அறிவிக்கப்பட்டுள்ளது.
-
--------------------------
தினமலர்