2019 உலகக் கோப்பை கிரிக்கெட் தொடரில் பங்கேற்கும் 10 அணிகள் அறிவிப்பு

by rammalar Wed Mar 28, 2018 5:32 pm

உலகக்கோப்பை கிரிக்கெட் திருவிழா அடுத்தாண்டு
இங்கிலாந்தில் நடைபெறுகிறது. இதுவரை நடைபெற்ற
உலகக் கோப்பை தொடர்களில் 14 அணிகள்
போட்டியிட்டன.

போட்டித் தொடரை குறைக்கும் நோக்கில் 2019 உலகக் கோப்பை
தொடரில் 10 அணிகள் மட்டுமே பங்கேற்கும் என்று ஐசிசி
ஏற்கனவே அறிவித்துள்ளது.

2019 உலகக் கோப்பை தொடருக்கு 8 அணிகள் நேரடியாக
தகுதி பெற்று விட்டன. மீதமுள்ள 2 அணிகளை தேர்வு
செய்வதற்கான தகுதிச் சுற்றுப் போட்டிகள் நடைபெற்று
வந்தன.

அதன் முடிவில் வெஸ்ட் இண்டீஸ் மற்றும் ஆப்கானிஸ்தான்
அணிகள் 2019 உலகக் கோப்பை தொடரில் பங்கேற்கும்
வாய்ப்பை பெற்றுள்ளன.

இதனால் உலகக்கோப்பை கிரிக்கெட் தொடரில் விளையாடும்
10 அணிகள் தற்போது உறுதிப்படுத்தப்பட்டுள்ளது.

2019 உலகக்கோப்பை தொடரில் விளையாட உள்ள அணிகள்:

1) இந்தியா

2) பாகிஸ்தான்

3) இலங்கை

4) வங்காளதேசம்

5) ஆஸ்திரேலியா

6) தென் ஆப்பிரிக்கா

7) இங்கிலாந்து

8) நியூசிலாந்து

9) வெஸ்ட் இண்டீஸ்

10) ஆப்கானிஸ்தான்

கடந்த 1983-ஆம் ஆண்டில் இருந்து உலகக் கோப்பை தொடரில்
விளையாட தகுதி பெற்று வந்த ஜிம்பாப்வே அணி இம்முறை
உலகக்கோப்பை தொடரில் விளையாட தகுதி பெறவில்லை
என்பது குறிப்பிடத்தக்கது.
-