அரசு வலைதளங்கள் உட்பட 500 வலைதளங்களை ஹேக் செய்த கல்லூரி மாணவர்கள் 2 பேர் கைது

by rammalar Sun Apr 29, 2018 4:43 am

புதுடெல்லி,

பஞ்சாப் மாநிலம் ராஜ்புராவில் உள்ள தனியார் கல்லூரியில்
இறுதி ஆண்டு படித்து வரும் கல்லூரி மாணவர்கள்
ஷாஹித் மல்லா, அடில் ஹுசைன் டெலி ஆகியோர் அரசு
வலைதளங்கள் உட்பட 500க்கும் மேற்பட்ட வலைதளங்களை
ஹேக் செய்தாக டெல்லி சைபர் கிரைம் போலீசார் அவர்களை
கைது செய்தனர்.

அவர்கள் காஷ்மீர் மாநிலம் பாரமுல்லா மற்றும் அனந்த்நாக்
மாவட்டங்களைச் சேர்ந்தவர்கள் என்பது தெரிய வந்தது.

டெல்லி சைபர் கிரைம் போலீசார் வலைதளங்களை ஹேக்
செய்பர்களை கண்டுபிடிக்கும் பணியில் ஈடுபட்டு
கொண்டிருக்கும் போது கல்லூரி மாணவர்களை பஞ்சாப்பில்
உள்ள குடியிருப்பில் வைத்து கைது செய்தனர்.

விசாரணையில், ஹேக்கர்ஸ் மூன்றாம் கண் "என்ற
தலைப்பில் 500 க்கும் மேற்பட்ட இந்திய வலைத்தளங்கள்,
சில அரசாங்க வலைத்தளங்கள் உட்பட, ஹேக்
செய்யப்பட்டுள்ளது.

அதில் சில அரசாங்க வலைத்தளங்களின் தனிப்பட்ட
தகவல்களை பகிர்ந்துகொள்வதையும் கண்டறிந்துள்ளனர்,
அவர்களில் சிலர் பாக்கிஸ்தானிய உளவுத்துறை
அமைப்புக்களால் ஆதரிக்கப்படுவது தெரியவந்துள்ளது.

அவர்களிடம் இருந்து லேப்டாப்கள், மொபைல் போன்கள்,
சிம் கார்டுகள், இண்டர்நெட் டாங்கிள்ஸ், மெமரி சாதனங்கள்
மற்றும் இதர பொருட்கள் அவர்களின் அறைகளில் இருந்து
பறிமுதல் செய்யப்பட்டது.

அவர்களிடம் தீவிர விசாரணை நடைபெற்று வருவதாக
போலீஸ் உயர் அதிகாரி ஒருவர் தெரிவித்தார்.
-
---------------------------
தினத்தந்தி