காலம் போன காலத்தில் நதிநீர் இணைப்பு..'; ரஜினியை விளாசிய முதல்வர்

கோவில்பட்டி:

காலம் போன காலத்தில் நதிநீர் இணைப்பு குறித்து கருத்து
சொல்கிறார்கள் என நடிகர் ரஜினிகாந்தை, முதல்வர்
எடப்பாடி பழனிச்சாமி குற்றம்சாட்டி பேசினார்.

துாத்துக்குடி மாவட்டம் கோவில்பட்டியில் நடந்த அரசு விழாவில்
முதல்வர் எடப்பாடி பழனிச்சாமி பங்கேற்று கூட்டுகுடிநீர் திட்டம்
உள்ளிட்ட பல்வேறு திட்டங்களை துவக்கி வைத்தார்.

அப்போது அவர் பேசுகையில், இன்றைக்கு பல பேர் புதிது புதிதாக
கட்சி துவங்குகிறார்கள். இவ்வளவு நாட்கள் அவர்கள் என்ன
செய்துகொண்டிருந்தார்கள். இன்றைக்கு காலம் போன காலத்தில்
நதிகளை இணைக்க சொல்கிறார்கள்.

ஜெயலலிதா பல்வேறு சட்டப் போராட்டங்களை நடத்தி தற்போது
முடியும் தருவாயில் உள்ளது. இப்போது முளைத்துள்ள தலைவர்கள்
கருத்து தெரிவிக்கிறார்கள்.

ஆனால் தமிழக மக்களுக்கு நன்மை செய்யும் இயக்கம்
அ.தி.மு.க.,தான் என்றார்.
-
------------------------------------------
தினமலர்