சிக்கன் வடை (chicken vadai) செய்து அசத்துவோமா…!

[You must be registered and logged in to see this link.]

உளுந்து வடை, பருப்பு வடை, மசால் வடை, ஆமை வடை, சாம்பார் வடை போன்று பல வகைகளில் வடைகளினை செய்கின்றோம்.

சிக்கன் வடை, இந்த வடை மிகவும் சுவையாக இருக்கும். குழந்தைகள் முதல் பெரியவர்கள் வரை இதனை விரும்பி சாப்பிடுவார்கள்.

தேவையான பொருட்கள் :

§ எலும்பில்லாத சிக்கன் – 1/4 கிலோ
§ வெங்காயம் – 1
§ பச்சை மிளகாய் – 3
§ பொடியாக நறுக்கிய கருவேப்பில்லை, கொத்தமல்லி, புதினா – சிறிதளவு
§ எலுமிச்சை சாறு – 1 தே.கரண்டி

சேர்க்க வேண்டிய தூள் வகைகள் :

§ கரம் மசாலா தூள் – 1/2 தே.கரண்டி
§ மஞ்சள் தூள் – 1/4 தே.கரண்டி
§ உப்பு – 1 தே.கரண்டி

மற்ற பொருட்கள் :

§ மைதா மாவு – 1 கப்
§ பிரெட் தூள் – 1 கப்
§ எண்ணெய் – பொரிப்பதற்கு

செய்முறை :

* முதலில் சிக்கனை சுத்தம் செய்து பொடியாக நறுக்கி மிக்ஸியில் போட்டு நன்றாக விழுதாக அரைத்து கொள்ளவும்.

* வெங்காயம் + பச்சை மிளகாயினை பொடியாக நறுக்கவும்.

* அரைத்த சிக்கன் + வெங்காயம் + பச்சை மிளகாய் +கொத்தமல்லி,
புதினா,கருவேப்பில்லை + எலுமிச்சை சாறு + தூள் வகைகள் எல்லாம் சேர்த்து
நன்றாக கலந்து கொள்ளவும்.

* மைதா மாவினை தண்ணீர் ஊற்றி தோசை மாவு பதத்திற்கு கரைத்து கொள்ளவும்.

* கடாயில் எண்ணெயினை காய வைக்கவும்.

* இப்பொழுது சிக்கன் கலவையில் இருந்து சிறிய சிறிய உருண்டைகளாக எடுத்து
வடை போல தட்டி கரைத்து வைத்துள்ள மைதா மாவில் பிரட்டிய பின் பிரெட்
தூளிலும் பிரட்டி எண்ணெயில் போட்டு பொரித்து எடுக்கவும்.

* இப்பொழுது சுவையான சிக்கன் வடை ரெடி.

குறிப்பு :

குழந்தைகளுக்கு கொடுக்கும் பொழுது தூள் வகைகள் சேர்க்கமால் அதற்கு பதில் மிளகு தூள் சேர்க்கலாம்.

மைதா மாவிற்கு பதிலாக முட்டையின் வெள்ளை கருவினை உபயோகிக்கலாம்.


நன்றி:http://www.tamilcloud.com