நான் யார்.... கலவிகளின் மன்னன்..!

by nilavu Thu Jan 10, 2013 1:06 am

Up.. Down

குவாக்சுகளின் கலவையில்

குவா குவா என்றே

பிறந்திட்ட

இரட்டைப் பிறவிகள்

புரோத்தனும்.. நியூற்றனும்..!

அண்டை அயலில்

அலைந்து திரிந்த...

லெப்ரோன்கள் மீது

கொண்ட காதலில்

கலவி கொண்டே

தந்தன..

அணுக் குழந்தைகள்.

காபனின் கறுப்பில்

கவர்ந்திட்ட ஐதரசனும்

காந்தர்வமாய் கலந்திட்ட

ஒக்சிசனும்..

இடையில்..

நைசா நுழைந்திட்ட

நைதரசனின் நாட்டமும்

கூடவே..

பொஸ்பரஸின் கூட்டும்

கூடிக் கண்ட விளைவே

டீ என் ஏ...!

டீ என் ஏ

சுருளிச் சுற்றில்

சிக்கிக் கொண்ட

காதல் எஸ் எம் எஸ் ஸுக்கள்

அமினோ அமிலங்களாய்

வாசிக்கப்பட

அங்கு பிறந்த

கவர்ச்சிச் சண்டையில்

நடந்த கலவியில்..

புரதங்கள் பிறப்பெடுக்க

கருக்கொண்டது

உயிரின் உருவம்..!

அழகும் வர்ணமும்

அறிவும் திறனும்

கூடவே பரிமாறுப்பட

சூழல் என்னைத்

தத்தெடுக்க

தந்தையின் பரிசில்

தாயின் வாங்கலில்

வளர்ப்பில்

நானும் உதித்தேன்...

மனிதக் குழந்தையாய்.

அடுத்த வந்த வினாடியில்

போர்கள் மீது

மனிதன் கொண்ட காதலில்

இரும்புத் தண்டுகள்

செப்புக் குண்டுகளோடு

கலவி செய்ய

எழுந்த சண்டையில்

நிகழ்ந்த

பிரிவினையில்

கக்கிய

ஒற்றை செப்புத் துண்டில்

பறிபோனது

சமனிலை..

மரணம் என்று

அது சொல்லப்பட்டது.

இருந்தும்..

இயற்கையில்

காபனும்..ஐதரசனும்..

ஒக்சிசனும்.. நைதரசனும்

கலவி செய்வது மட்டும்

நிற்கவே இல்லை..!

அடுத்த சுற்றுக்கும்

அவை தயார்..!

கலவி என்பது

இயற்கை என்பதன்

இருப்பின்..

இயங்கு நிலையின்

உன்னத உருவம்..!

நன்றி//
நெடுக்ஸ்