பிரம்மோஸ் ஏவுகணை வெற்றி.....

திட்டமிட்ட இலக்கை துல்லியமாக தாக்க கூடிய சூப்பர்சானிக் பிரம்மோஸ் ஏவுகணை வெற்றிகரமாக சோதிக்கப்பட்டது. ஆந்திர மாநிலம் விசாகப்பட்டினம் அருகே வங்கக் கடலில் இச்சோதனை மேற்கொள்ளப்பட்டது.

கப்பற்படையின் போர்க்கப்பலில் இருந்து சீறிப் பாய்ந்த பிரம்மோஸ் ஏவுகணை கடலில் நிறுத்தி வைக்கப்பட்டிருந்த மற்றொரு கப்பலின் இலக்கை துல்லியமாக தாக்கி அழித்ததாக பிரம்மோஸ் ஏவுகணை செயல் திட்ட தலைவர் சிவதாணுப்பிள்ளை தெரிவித்தார். 290 கி.மீ. தொலைவில் உள்ள இலக்கை தாக்க கூடிய பிரம்மோஸ் ஏவுகணை கடந்த அக்டோபர் மாதம் வெற்றிகரமாக சோதிக்கப்பட்டது. அதற்கு பிறகு 34 வது முறையாக இபபோது சோதிக்கப்பட்டுள்ளது குறிப்பிடத்தக்கது.

2005 ம் ஆண்டில் பிரம்மோஸ் ஏவுகணை இந்திய போர்க்கப்பலில் இணைக்கப்பட்டது. தொடர்ந்து நிறைய போர்க்கப்பல்களில் இணைக்கப்பட்டது. பிரம்மோஸ் ஏவுகணை, அமெரிக்காவின் ஜி.பி.எஸ். மற்றும ரஷ்யாவின் குளோனஸ் கருவிகளில் இருந்து தகவல்களை பெற்று இலக்கை இரு மடங்கு துல்லியமாக தாக்கும் திறன் கொண்டது. வெற்றிகரமாக இச்சோதனைக்காக மத்திய பாதுகாப்பு அமைச்சர் ஏ.கே. அந்தோணி, கப்பற்படை மற்றும் பிரம்மோஸ் ஏவுகணை குழுவுக்கு வாழ்த்துகளை தெரிவித்தார்.

நன்றி: பேஸ்புக்

இது இந்தியாவிற்கு கிடைத்த வெற்றி.