பாகிஸ்தான் இராணுவம் வெட்டிச்சென்ற கின்னஸ் சாதனையாரின் தலை - 15 ஆண்டுகளாகத் தேடும் மகன்!

by nilavu Sun Jan 20, 2013 12:31 am

பாகிஸ்தான் இராணுவம் வெட்டிச்சென்ற கின்னஸ் சாதனையாரின் தலை - 15 ஆண்டுகளாகத் தேடும் மகன்!

பாகிஸ்தான் ராணுவத்தால் இந்திய வீரர்கள் தலை வெட்டி கொல்லப்பட்ட விவகாரம்,
நாடு முழுவதும் அதிர்வலைகளை ஏற்படுத்தியுள்ள நிலையில், எல்லை மாநிலங்களில்
இதுபோன்ற சம்பவங்கள் சகஜம் என்பதை உணர்த்தும் வகையில், "கின்னஸ்' சாதனை
படைத்த, தன் தந்தையின் தலையை, 15 ஆண்டுகளாக கண்டுபிடிக்க முடியாமல், இறுதி
சடங்கு கூட செய்யாமல், அவர் மகன் காத்திருக்கிறார்.

இந்தியர்களையும், இந்திய ராணுவ வீரர்களையும், எல்லைக்கு அப்பால் இருந்து
வரும் பாகிஸ்தான் வீரர்கள், தலையை வெட்டி எடுத்து செல்வது, எல்லைப் புற
மாநிலங்களில் அவ்வப்போது நடக்கிறது என, அந்த பகுதி மக்கள் சகஜமாக
தெரிவிக்கின்றனர்.பாகிஸ்தான் எல்லையை ஒட்டியுள்ள ராஜஸ்தான் மாநி லத்தின்,
ஜெய்சால்மர் அருகே, கர்ணா ராம் பீல் என்ற கின்னஸ் சாதனை வீரர் இருந்தார். 6
அடி நீளத்திற்கு அவர் மீசை வளர்த்திருந்ததால், "உலகில் மிக நீள மான மீசை
வளர்த்தவர்' என்ற, "கின்னஸ்' சாதனையை அவர் படைத்திருந்தார்.

கடந்த, 1998ல் பாகிஸ்தான் எல்லை அருகே அவர் சென்ற போது, பாகிஸ்தான்
ராணுவத்தினர் அவரை பிடித்து சென்று விட்டனர். சில நாட்களாக அவர்,
எங்கிருக்கிறார் என்பதே தெரியவில்லை. ஒரு வாரம் கழித்து, அவரின், தலையில்லா
உடல் மட்டும் கிடைத்தது.அந்த உடலை எடுத்து சென்ற, கர்ணா ராம் பீல்
குடும்பத்தினர், தலையை தேடி கொண்டே இருக்கின்றனர்; இது வரை கிடைக்கவில்லை.
தலையை, பாகிஸ்தான் ராணுவம், சிதைத்து விட்டதாக கூறப்படுகிறது. தலை
கிடைக்காததால், கர்ணா ராம் பீலின் உடல், இறுதி சடங்குகள் செய்யாமல்,
பாதுகாப்பாக வைக்கப்பட்டுள்ளது.

தலை கிடைக்கும் என்ற நம்பிக்கை இல்லாவிட்டாலும், தலையில்லாமல் இறுதி சடங்கு
செய்ய முடியாது என்பதால், "கின்னஸ்' குடும்பத்தின் ஏக்கம் இன்னும்
தீரவில்லை.இதற்கிடையே, கொலை செய்யப்பட்ட கர்ணா ராமின் மகன், தன்னா ராம்,
தன் தந்தையை போலவே, நீளமாக மீசை வளர்த்து சாதனை படைத்துள்ளார். எனினும்,
தன் தந்தையின், 6 அடி நீள மீசையை அவரால் இன்னும் வளர்க்க முடியவில்லை. 5
அடி அளவிற்குள் தான் வளர்த்துள்ளார்.பாரம்பரிய இசை கலையில் அவர் தேர்ச்சி
பெற்றவர்.

ராஜஸ்தான் எல்லையில், கொள்ளைகளில் ஈடுபட்டு வந்த தன்னா ராம், 1982ல், ஆயுள்
தண்டனை விதிக்கப்பட்டார். பரோலில் தன் ஊருக்கு தன்னா ராம் திரும்பிய
நாளில், அப்போதைய ஜனாதிபதி, ஜெயில் சிங் அங்கு வந்திருந்தார்.அவர் முன்,
தன்னா ராம் பாரம்பரிய பாடலை இசைத்தார்; இசையில் மயங்கிய ஜெயில் சிங், தன்னா
ராமின் தண்டனை யை ரத்து செய்து விட்டார். சுதந்திர பறவையாக வலம் வரும்
தன்னா ராம், தன் தந்தையின் தலையை இப்போதும், தேடி கொண்டே இருக்கிறார்.

நன்றி...செய்தி.கொம்