ஆப்கன் வீரர்களுக்கு பயிற்சி: இந்திய முடிவுக்கு பாராட்டு

வாஷிங்டன்:"ஆப்கன் ராணுவ வீரர்களுக்கு இந்திய ராணுவம் தொழில் ரீதியான பயிற்சி அளிப்பதை முழு மனதுடன் வரவேற்கிறோம்' என அமெரிக்கா தெரிவித்துள்ளது.அமெரிக்க பாதுகாப்பு கொள்கைக்கான துணை அமைச்சர் மைக்கேல் புளோர்னி கூறியதாவது:ஆப்கனில் பயங்கரவாதிகளை கட்டுப்படுத்தும் பணியில் ஈடுபட்டுள்ள அந்நாட்டு ராணுவத்துக்கும், போலீசாருக்கும் தொழில் ரீதியான நவீன பயிற்சிகள் தேவையாக உள்ளன. இதற்கான முயற்சிகளில் ஆப்கன் அரசு இறங்கியுள்ளது பாராட்டத்தக்கது.ஆப்கன் ராணுவத்துக்கு தொழில் ரீதியான பயிற்சிகளை இந்திய ராணுவம் அளித்து வருவதை முழு மனதுடன் அமெரிக்கா வரவேற்கிறது. இதற்கு எங்கள் முழு ஆதரவையும் தெரிவித்துக் கொள்கிறோம். ஆப்கனின் பாதுகாப்புக்கும் மற்றும் சமூக, பொருளாதார வளர்ச்சிக்கும் இந்தியா மிகப் பெரிய அளவிலான உதவிகளைச் செய்து வருகிறது. இதுபோன்ற உதவிகள் தொடர வேண்டுமென அமெரிக்கா விரும்புகிறது.இவ்வாறு மைக்கேல் புளோர்னி கூறினார்.இதற்கிடையே, பயிற்சி பெறுவதற்காக ஆப்கன் ராணுவ வீரர்களை பாகிஸ்தானுக்கு அனுப்புவதற்கும் ஆப்கன் அதிபர் ஹமீத் கர்சாய் சமீபத்தில் ஒப்புதல் அளித்துள்ளார் என்பது குறிப்பிடத்தக்கது