வரலாற்று நிகழ்வுகள் - 10: வங்கி (Bank) என்ற சொல் உருவான விதம்

by மகா பிரபு Sat Feb 16, 2013 1:05 pm

இன்று வங்கிகளில் கணக்கு வைக்காதவர்களே இல்லை என்றே சொல்லலாம்.. அந்த வங்கி என்ற சொல் எப்படி வந்தது என்று தெரியுமா ?

முற்காலத்தில் வட்டிக்கு விடும் தொழில் மட்டுமே நடைபெற்று வந்தது. தனியாக வங்கிகள் கிடையாது. சில நாடுகளில் வட்டிக்கு பணம் கொடுத்தல் தடை செய்யப்பட்டிருந்தது. சில நாடுகளில் ஆலயங்கள் மூலம் பணம் கொடுக்கல் வாங்கல் நடைபெற்றது. கிமு 210 ஆம் ஆண்டு ரோம் நகரில் பண பரிவர்த்தனைக்கென தனி அமைப்பு ஒன்று அரசால் உருவாக்கப்பட்டது.

அந்த அமைப்பின் மூலம் வீதிகளில் பெஞ்ச் போட்டு பண பரிவர்த்தனை செய்வார்கள். பெஞ்ச் என்றால் இத்தாலிய மொழியில் BANCO ஆகும். இந்த BANCO என்ற சொல்லிலிருந்து உருவானது தான் BANK ஆகும். இதை தான் நாம் தமிழில் வங்கி என்று அழைக்கிறோம்.