பேஸ்புக் வலைத்தளம் மீது "ஹக்கர்கள்" கைவரிசை!

பேஸ்புக் சமூகவலையமைப்பு ஹெக் செய்யப்பட்டுள்ளதாக தகவல் வெளியாகியுள்ளது.இதனை அந்நிறுவனமே உத்தியோகபூர்வமாக அறிவித்துள்ளது. கடந்த மாதம் இத்தாக்குதல் நடத்தப்பட்டுள்ளது. எனினும் அவர்களால் தகவல்கள் எதனையும் திருடமுடியவில்லையென பேஸ்புக் தெரிவித்துள்ளது. பேஸ்புக் ஊழியர்கள் சிலர் மொபைல் டெவலப்பர் இணையத்தளமொன்றினுள் பிரவேசித்ததாகவும் இதன்போது அத்தளத்தினூடாக மெல்வெயார் நிறுவன மடி கணனிகளில் இண்ஸ்டோல் ஆகியுள்ளதாகவும் அந்நிறுவனம் தெரிவிக்கின்றது. ஓராக்கிளின் ஜாவா மென்பொருளில் காணப்பட்ட தொழிநுட்ப குறைபாடொன்றை பயன்படுத்தி ஹெக்கர்கள் அதன் வலையைப்பினுள் ஊடுருவியுள்ளனர்.


தற்போது தொழிநுட்ப வல்லுனர்களின் உதவியுடன் இதனை தொடர்ச்சியாக ஆராய்ந்து வருவதாக பேஸ்புக் தெரிவிக்கின்றது. இக்குறைபாடு தொடர்பில் ஓராக்கிளுக்கும் அறிவித்ததாகவும் அது உடனே அதற்கான தீர்வை வழங்கியதாகவும் பேஸ்புக் குறிப்பிட்டுள்ளது. இதேவேளை டுவிட்டர் தளமும் அண்மையில் ஹெக் செய்யப்பட்டிருந்ததுடன் சுமார் 250,000 பாவனையாளர்களின் கணக்கு விபரங்கள் திருடப்பட்டிருந்தன. அதுமட்டுமன்றி அமெரிக்க ஊடகங்களான நிவ்யோர்க் டைம்ஸ் மற்றும் வொஷிங்டன் போஸ்ட் ஊடகங்களின் இணையக்கட்டமைப்பின் மீதும் ஊடுருவல்காரர்கள் தமது கைவரிசையை காட்டியிருந்தனர்.

இவ்விரு நிறுவனங்களும் இத்தாக்குதலுக்கு சீனாவே காரணமென குற்றஞ்சாட்டியிருந்தன. கடந்த சில வருடங்களாக அமெரிக்க நிறுவனங்கள் மீது தொடர்ச்சியாக ஹெக்கிங் நடவடிக்கைகள் மேற்கொள்ளப்பட்டு வருகின்றன.


நன்றி:http://www.seithy.com/