‌தி‌ற‌ந்தவெ‌ளி ப‌ல்கலை‌க்கழக ப‌ட்டதா‌ரிக‌ள் எ‌ஸ்.ஐ தே‌ர்வு எழு‌த அனும‌தி மறு‌ப்பு

தி‌ற‌ந்தவெ‌ளி ப‌ல்கலை‌க்கழக‌ம் மூல‌‌ம் ப‌ட்ட‌ம் பெ‌ற்ற ப‌ட்டதா‌ரிக‌ள் காவ‌ல்துறை உத‌வி ஆ‌ய்வாள‌‌ர் (SI) தே‌ர்வு எழு‌த அனும‌தி மறு‌க்க‌ப்ப‌ட்டு‌ள்ளது.

தமிழகம் முழுவதும் ஆயிரத்து 95 பணியிடங்களை நிரப்ப சீருடைப் பணியாளர் தேர்வு வாரியம் அறிவிப்பு வெளியிட்டிருந்தது. அதில் 767 ஆண்களும், 328 பெண்களும் தேர்வு செய்யப்பட உள்ளனர்.

இதற்காக, சுமார் 72 ஆயிரம் பேர் விண்ணப்பம் செய்திருந்தனர். அவர்களுக்கு இ‌‌ன்று‌ம், நாளையு‌ம் தேர்வு நடக்கிறது. முதல் நாளான இன‌்று காவலர்களாக பணியாற்றுகிறவர்களுக்கு எழுத்து தேர்வு நடைபெறு‌கிறது.

தமிழகம் முழுவதும் 32 நகரங்களில் நட‌க்கு‌ம் இ‌ந்த தே‌ர்‌வை எழு‌த செ‌ன்ற ‌திற‌ந்தவெ‌ளி ப‌ல்கலை‌க்கழக ப‌ட்டதா‌ரிகளு‌க்கு அனும‌தி மறு‌‌க்க‌ப்ப‌ட்டது. அவ‌ர்க‌ள் ‌எ‌வ்வளவோ போராடியு‌ம் தே‌ர்வு எழுத அனும‌தி‌க்க‌ப்பட‌வி‌ல்லை.

த‌மிழக‌த்த‌ி‌ன் பல மைய‌ங்க‌ளி‌ல் தே‌ர்வு எழுத செ‌‌ன்றவ‌ர்க‌ள் ஏமா‌ற்ற‌த்துட‌ன் ‌திரு‌ப்‌பின‌ர்.

‌திற‌ந்தவெ‌ளி ப‌ல்கலை‌க்கழக ப‌ட்டதா‌ரிகளு‌க்கு அனும‌தி மறு‌த்து த‌மிழக அரசு உ‌த்தர‌வி‌ட்டிரு‌ந்தது. அரசு உ‌த்தரவு உறு‌தி செ‌ய்து செ‌ன்னை உய‌ர் ‌நீ‌திம‌ன்ற‌ம் நே‌ற்று ‌தீ‌ர்‌ப்ப‌ளி‌த்தது கு‌றி‌ப்‌பிட‌த்த‌க்கது.

இது தொட‌ர்பாக காவல‌ர்க‌ள் தா‌க்க‌ல் செ‌ய்த மே‌ல்முறை‌யீ‌ட்டு மனு வரு‌ம் 5ஆ‌‌ம் தே‌தி ‌விசாரணை‌க்கு வ‌ரு‌கிறது.

நாளை மறுநாள் தமிழகம் முழுவதும் 56 இடங்களில் மற்றவர்களுக்கு தேர்வு நடக்கிறது. சென்னையில் மட்டும் 14 இடங்களில் தேர்வு நடக்கிறது. அதில் சுமார் 12 ஆயிரம் பேர் கலந்து கொள்கின்றனர்.