மஹா சிவராத்திரி - சிவனோடு ஓர் இரவு

மஹா சிவராத்திரி என்பது ஒரு மத சடங்கு அல்ல. ஒரு வழிபாடு மட்டுமல்ல. ஒரு
இரவு விழித்து இருக்கும் நேர்த்தி கடன் அல்ல. முக்கியமாக பிரார்த்தனை அல்ல.

இது மானுட மெய்ஞான வளர்ச்சி அருளும் ஓர் நாள். உள்ளுள் உயர ஓர் நாள்.
மிக எளிமையாக சொல்ல சொன்னால் இது ஒரு யோகா விஞ்ஞானம்.
அவனோடு ஓர் இரவு கழித்திட உன்னத நாள் அது.

ஆறேறு சடையானை ஆயிரம்பே ரம்மானைப்
பாறேறு படுதலையிற் பலிகொள்ளும் பரம்பரனை
நீறேறு திருமேனி நின்மலனை நெடுந்தூவி
ஏறேறும் பெருமானை என்மனத்தே வைத்தேனே.
-திருநாவுக்கரசர்.

இரு விழி விழித்து அகவிழி திறக்க அவன் கழல் பணிவோம்.
இது பற்றிய தேடலை மனதில் பரவ விடுவோம்.
பித்தனோடு , அவன் மனம் சிவன் மேல் கொண்ட பித்தொடு பயணிக்க நீங்கள் யாவரும் தயாரா?

சென்னை ஞாபகம் வருகிறது... மகா சிவா ராத்திரி அன்று அலுவலகம் சென்று வந்த பின் மீண்டும் நீராடி மாலை ஏழு மணிக்கு திருவல்லிக்கேணி புகழ் பெற்ற திருவேடீஸ்வரர் கோவிலுக்கு சென்று எல்லாம் வல்ல இறைவனான எம்பெருமானின் சன்னதியில் அன்று நள்ளிரவு வரை இருந்து விட்டு வீட்டை நோக்கி செல்வோம். விடிந்ததும் சிறிது தூங்கி அலுவலகம் செல்ல தயாராவோம்.

இங்கு மற்றுமொரு விசேஷம் நிறைமணிக் காட்சி:
புரட்டாசிமாதம் பௌர்ணமிநாளில் நிறைமணிக்காட்சியாக சிவாலயங்களில்
கொண்டாடப்படுகிறது. இதற்கான காரணம் ஒரு முறைதேவேந்திரன்அணைத்து
உலகங்களையும் சுற்றி வந்து பார்த்தபொழுது பூலோகம் வறட்சியால் பாதிக்கப்
பட்டுள்ளதையும் உயிர்கள் மழை இல்லாமல் பரி தவிப்பதையும் கண்டு சிவபெருமானிடம்
சென்று சிவபெருமானின் முடியில் உள்ள கங்கையை பூமிக்கு அனுப்பும் படிவேண்டச்செல்ல,
அவ்வாறு செல்லும் பொழுது காய்கறிகள், பழங்கள், தான்னியங்கள் எல்லாவற்றையும் எடுத்து
சென்று மாலை 5.30 மணியளவில் சிறப்புப் பூஜை செய்ய அதில் முப்பத்து முக்கோடி தேவர்களும்
கலந்து கொள்ள, காய் கறிகளையும், கனிகளையும் கண்ட சிவபெருமான் மன மகிழ்ந்து கங்கையை
பூமிக்கு அனுப்பி வறட்சி நீங்கும் வண்ணம் பூமியை நீரால் நிறைத்து விட்டு வருக என கங்கையை பூமிக்கு அனுப்பிய இத்தினமே நிறை மணிக் காட்சியாக சிவாலயங்களில் கொண்டாடப் படுகிறது.

இந்நாளில் பக்தர்கள் தங்களால் இயன்ற காய்கறி, கனி வகைகள் தானியங்கள் இனிப்புகள் ஆகியவற்றை வழங்க அவை சிவபெருமான் முன் கண் காட்சியாக வைக்கப் பட்டு பூஜிக்கப் படுகிறது.

பகிர்வுக்கு நன்றி பித்தன்.

இந்த மகா சிவராத்திரி எங்கு செல்வீர்கள் அண்ணா..?
பெங்களூரு வில்...?

இப்ப நான் பெங்களூரில் இல்லை

கூற்றாயின வாறுவி லக்ககிலீர்
கொடுமைபல செய்தன நானறியேன்
ஏற்றாயடிக் கேஇர வும்பகலும்
பிரியாது வணங்குவன் எப்பொழுதும்
தோற்றாதென் வயிற்றின் அகம்படியே
குடரோடு துடக்கி முடக்கியிட
ஆற்றேன் அடியேன்அதி கைக்கெடில
வீரட்டா னத்துறை அம்மானே.

மீண்டும் நினைவு கூறும் வண்ணம்.

தங்கள் பகிர்விற்கு நன்றி

ஸ்ரீமுகி