கருணா‌நி‌தி எ‌ன் த‌ந்தை: சர‌‌த்குமா‌ர்

முதலமை‌ச்சர் கருணாநிதி என் தந்தையை போன்றவர் என்றும் சமத்துவ மக்கள் கட்சித் தலைவர் சரத்குமார் கூறியுள்ளார்.

அகில இந்திய சமத்துவ மக்கள் கட்சித் தலைவர் சரத்குமார் தனது பிறந்தநாளை முன்னிட்டு இன்று காலையில் முதலமைச்சர் கருணாநிதியை சந்தித்து ஆசி பெற்றார். அதன் பின்னர் அவர் கட்சி நிர்வாகிகளை கொட்டிவாக்கத்தில் உள்ள தனது இல்லத்தில் சந்தித்து வா‌ழ்‌த்து பெ‌ற்று‌க் கொ‌ண்டா‌ர்.

‌பி‌ன்ன‌ர் செ‌ய்‌தியாள‌ர்க‌ளிட‌ம் பே‌‌சிய சரத்குமார், எனது பிறந்தநாள் வாழ்த்து செய்தியாக நாட்டில் அமைதி, செழிப்பு, சந்தோஷம் உருவாகி ஏழை மக்களிடையே நல்லதோர் சமுதாயம் உருவாக வேண்டும். ஏற்றத்தாழ்வுகள் கலைந்து நாடு வளமாக வேண்டும்.

சட்டமன்ற தேர்தலில் சமத்துவ மக்கள் கட்சி யாருடன் கூட்டணி அமைப்பது குறித்து கட்சியின் பொதுக் குழுவில் கட்சித் தலைவராகிய எனக்கு அதிகாரம் வழங்கப்பட்டுள்ளது. தேர்தல் அறிவிக்கப்பட்டவுடன் நிர்வாகிகளுடன் மீண்டும் கலந்து பேசி யாருடன் கூட்டணி என்பதை முடிவு செய்வோம்.

தி.மு.க அரசு மீது எதிர்க்கட்சித் தலைவர் ஜெயலலிதா‌வி‌ன் குற்றச்சா‌ற்று‌க்கு தி.மு.க.தான் பதில் சொல்ல வேண்டுமே தவிர நான் சொல்ல வேண்டிய அவசியமில்லை என்று நினைக்கிறேன். தி.மு.க அரசு செய்துள்ள நல்ல திட்டங்களை நாங்கள் வரவேற்கிறோம். செய்யாத சில திட்டங்களை நாங்கள் சுட்டிக்காட்டுகிறோம். அதையும் அரசு செய்கிறது.

நாகரீக அரசியலைதான் சமத்துவ மக்கள் கட்சி எப்போதும் நடத்தும். அதனால்தான் என்னுடைய பிறந்தநாள் அன்று முதலமை‌ச்சர் கருணாநிதியை சந்தித்து வாழ்த்து பெற்றுள்ளேன். பதவியில் அமர வேண்டும் என்பது என் ஆசை இல்லை. மற்றவர்களை பதவியில் அமர வைக்கும் தகுதியை உருவாக்குவதுதான் எனது ஆசை. எனது தந்தை மறைவுக்கு பின்பு நான் அப்பா என்று அழைப்பது முதலமை‌ச்சர் கருணாநிதியைதான். எனது பிறந்தநாளான இன்று அவரிடம் நான் ஆசி பெற்றது மகிழ்ச்சியாக இருக்கிறது.

முதலமை‌ச்சரை சந்தித்ததன் மூலம் வரும் தேர்தலில் தி.மு.க.வுடன்தான் கூட்டணி என்று எண்‌ணி‌விட வே‌ண்டா‌ம். கூட்டணி என்பது வேறு, உறவு என்பது வேறு. மரியாதைக்குரிய தலைவராகத்தான் முதலமை‌ச்சரை நான் நினைக்கிறேன் எ‌ன்று சர‌த்கும‌ா‌ர் கூ‌றினா‌ர்.