30 கோடி மதிப்புள்ள விண்கல்லை குப்பை அள்ள பயன்படுத்திய ஸ்பெயின் விவசாயி!

by முரளிராஜா Tue Apr 02, 2013 11:14 am

ரூ.30 கோடி மதிப்புள்ள விண்கல் ஒன்றை குப்பை என நினைத்த ஸ்பெயின் நாட்டு விவசாயி ஒருவர் தற்போது அதன் மதிப்பை அறிந்து பெரும் மகிழ்ச்சியடைந்துள்ளார்.

ஐரோப்பிய நாடான ஸ்பெயினில், சியூடாட் ரியால் பகுதியைச் சேர்ந்தவர் லோபஸ். இவர் தன் தந்தையுடன், கடந்த, 1980ல், கால்நடைகளை மேய்த்துக் கொண்டிருந்த போது, 18 அங்குல நீளம், 12.5 அங்குல அகலம், 8 அங்குல உயரமும் கொண்ட, ஒரு கல் கிடைத்தது.

ஸ்பெயினில் நடந்த உள்நாட்டுப் போரில், ராணுவத்தினரால் போடப்பட்ட குப்பை என நினைத்து, வீட்டில், இறைச்சிகளை சுத்தப்படுத்த, லோபஸ் இந்த கல்லை பயன்படுத்தி வந்தார்.

கடந்த, 2011ல், ஒளிபரப்பப்பட்ட, “டிவி’ நிகழ்ச்சியில், இது போன்ற கற்கள் ஸ்பெயினில் சில இடங்களில் விழுந்துள்ளது என்பதை அறிந்த லோபஸ், தன் வீட்டில் கிடந்த கல்லை, ஒரு புவியியல் வல்லுனரிடம் காட்ட, அது விண்கல் என்பது தெரிந்தது. விவசாயி, லோபஸ் வீட்டில் கண்டெடுக்கப்பட்ட, 100 கிலோ எடையுள்ள, இந்த விண் கல்லின் மதிப்பு, 30 கோடி ரூபாய் என கூறப்படுகிறது.