புதுவைபல்கலை கழகத்தில் (2/04/2013) தமிழர் திருவிழா

by பித்தன் Wed Apr 03, 2013 3:02 pm

புதுவைபல்கலை கழகத்தில் (2/04/2013) தமிழர் திருவிழா நடை பெற்றது.

தமிழ் பாரம்பரிய முறை குன்றாமல் விழா, எக்காளம், முரசு போன்ற கருவிகள் முழங்க விழா
துவங்கியது. விழா உரை நிகழ்த்த பழ.நெடுமாறன் அவர்கள் வந்து தமிழின் சிறப்பு பற்றியும், தமிழனின் சிறப்பு பற்றியும் நயமுடன் சொன்னார்.
அவரின் உரையில் அவர் சொன்ன கருத்துக்களில் சில,
1.உலகின் செம்மொழி என சொல்லப்படுகிற மொழிகளான கிரேக்கம், எபிரேயம்,
சமஸ்கிருதம் போன்ற மொழிகள் இன்று வழக்கு ஒழிந்து விட்டது இன்று பேச்சு வழக்கில்
இல்லை.

2.உலக இலக்கியங்களில் முதன் முதலாக வாழ்வை அகம், புறம் என பகுத்து படைத்தவன்
தமிழன் மட்டுமே.

3. பழந்தமிழன் சேரன் , சோழன், பாண்டியன் என பிரிந்து இருந்த போதும் தமிழால், தமிழ் கலாச்சாரத்தால் இணைந்தே இருந்தனர்.

4.இந்த மொழி மத சார்பு அற்ற மொழி இங்கு சைவம், வைணவம் , பௌத்தம் , சமணம், இசுலாமியம் , கிருத்துவம் போன்ற பிரிவை சேர்ந்தவர்கள் மதம் தாண்டி அவர்களின் சேவை அளப்பரியது.

5.தமிழன் பெருமைக்கு ஒரு சான்று, உலகின் மூத்த குடி தமிழ் குடி, சோழ பேரரசு தென் ஆசிய பகுதி முழுதும் அவன் ஆளுகையில் இருந்தது. கடாரம் என்று சொல்லப்பட்ட இன்றைய மலேசிய நாடு சோழ மன்னர்களால் ஆளப்பட்டதே !

6. காம்போஜம் என அன்று சொல்லப்பட்ட இன்றைய கம்போடியாவில், மன்னன் வம்சம் பதவி ஏற்கும் போது எல்லாம் திருப்பாவை , திருவெம்பாவை ஓதப்படுகிறது.

7. கண்ணகி சிலை செய்ய சேரன் இமயத்தை வென்று அங்கிருந்து கல் எடுத்து செய்ததாக சிலம்பு கூறுகிறது.

மேலும் பல தமிழின், தமிழன் சிறப்பு பற்றி கூறினார். இது பயனுள்ளதாக இருந்தது.