திருக்குறள் - சென்ரியூ 4

குறள் 4:
வேண்டுதல் வேண்டாமை இலானடி சேர்ந்தார்க்கு
யாண்டும் இடும்பை இல.
கலைஞர் உரை:
விருப்பு வெறுப்பற்றுத் தன்னலமின்றித் திகழ்கின்றவரைப் பின்பற்றி நடப்பவர்களுக்கு எப்போதுமே துன்பம் ஏற்படுவதில்லை.
மு.வ உரை:
விருப்பு வெறுப்பு இல்லாத கடவுளின் திருவடிகளை பொருந்தி நினைக்கின்றவர்க்கு எப்போதும் எவ்விடத்திலும் துன்பம் இல்லை.
சாலமன் பாப்பையா உரை:
எதிலும் விருப்பு வெறுப்பு இல்லாத கடவுளின் திருவடிகளை மனத்தால் எப்போதும் நினைப்பவருக்கு உலகத் துன்பம் ஒருபோதும் இல்லை.
பரிமேலழகர் உரை:
வேண்டுதல் வேண்டாமை இலான் அடி சேர்ந்தார்க்கு - ஒரு பொருளையும் விழைதலும் வெறுத்தலும் இல்லாதவன் அடியைச் சேர்ந்தார்க்கு; யாண்டும் இடும்பை இல - எக்காலத்தும் பிறவித் துன்பங்கள் உளவாகா. (பிறவித் துன்பங்களாவன : தன்னைப் பற்றி வருவனவும், பிற உயிர்களைப் பற்றி வருவனவும், தெய்வத்தைப் பற்றி வருவனவும் என மூவகையான் வரும் துன்பங்கள். அடி சேர்ந்தார்க்கும் அவ்விரண்டும் (வேண்டுதலும் வேண்டாமையும்) இன்மையின், அவை காரணமாக வரும் மூவகைத் துன்பங்களும் இலவாயின.)

ம. ரமேஷ் சென்ரியு

விருப்பு வெறுப்பு
மாற்றி அமைக்கிறது
அரசியல்

(அல்லது)

விருப்பு வெறுப்பு
இல்லாத கடவுள்
ஞானிகள்

தளிரின் சென்ரியு

மேடு பள்ளம்
அணைக்கிறது
கடல்!

ஏற்ற தாழ்வின்றி மேடு பள்ளங்களையும் தன்னுள் அணைத்துக் கொள்கிறது கடல்.

விருப்பு வெறுப்பு
மாறி வாழ்கிறது
கூட்டுக்குடும்பங்கள்

ஆசை அகிம்சை
இல்லாத மனிதன்
கடவுள்

விருப்பு வெறுப்பு
மாற்றி அமைக்கிறது
மாமியார் மருமகள்

விரும்பினேன்
வெறுத்தாள்
காதலி.

அருமை

மகா பிரபு wrote:விரும்பினேன்
வெறுத்தாள்
காதலி.

அவளும் காதலித்தால்தான் காதலி என்று பெயர்.

நீங்களாகவே காதலி என்று முடிவெடுத்துவிட முடியாது.

அதனால்

காதலித்தேன்
வெறுத்தது
காதல்

என்று இருந்தால் சிறப்பாக இருக்கும் என்று நினைக்கிறேன்.

கருத்துகள் வரவேற்கப்படுகின்றன...

கொஞ்சம் பிரமிப்பா இருக்கு... பின்னர் கலந்துக்கொள்கிறேன் கவிஞரே

ஸ்ரீராம் wrote:கொஞ்சம் பிரமிப்பா இருக்கு... பின்னர் கலந்துக்கொள்கிறேன் கவிஞரே

பிரமிக்க ஒன்றும் இல்லை என்பதை நீங்கள் மகா பிரபு எழுதுவதைக் கண்டு தெரிந்து கொள்ளலாம்... எழுதுத் துவங்குங்கள்... பின்னர் சாதாரணமாகிவிடும்...

ஆனால் ஒரு தலைப்பின் கீழ் பத்து சென்ரியூ எழுதுவது என்பது சற்று கடினமான வேலைதான்... இதனால் சிந்தனையின் முதிர்ச்சியும் தென்படுமல்லவா?

கவியருவி ம. ரமேஷ் wrote:

மகா பிரபு wrote:விரும்பினேன்
வெறுத்தாள்
காதலி.

அவளும் காதலித்தால்தான் காதலி என்று பெயர்.

நீங்களாகவே காதலி என்று முடிவெடுத்துவிட முடியாது.

அதனால்

காதலித்தேன்
வெறுத்தது
காதல்

என்று இருந்தால் சிறப்பாக இருக்கும் என்று நினைக்கிறேன்.

கருத்துகள் வரவேற்கப்படுகின்றன...

உண்மைதான் அண்ணா.


விரும்பினேன்
வெறுத்தாள்
தலைவி..

இதுவும் சரியாக வரும் என்று நினைக்கிறேன்...

விரும்பினேன்
வெறுத்தாள்
தலைவி..

இதுவும் சரியாக வரும் என்று நினைக்கிறேன்...

பொருந்தி வருகிறது... பாராட்டுகள்

நன்றி அண்ணா.