பேஸ்புக்'குக்கு மத்திய அரசு மீண்டும் நோட்டீஸ்

புதுடில்லி :
தகவல் திருட்டு தொடர்பாக பேஸ்புக் மற்றும் அனாலிடிகா
நிறுவனங்களுக்கு, மத்திய அரசு மீண்டும் நோட்டீஸ் அனுப்பியுள்ளது.

தகவல் திருட்டு:

அமெரிக்காவில், 2016ல் அதிபர் தேர்தல் நடந்தது. அப்போது,
தற்போதைய அதிபர், டிரம்புக்கு ஆதரவாக, பேஸ்புக் சமூக
வலைதளத்திலிருந்து, பல லட்சம் பேரின் தகவல்கள்
திருடப்பட்டன.

அவர்களது அரசியல் தொடர்பான விருப்பு, வெறுப்புகளை
அறிந்து, அதற்கேற்ப பிரசார யுக்தியை, பிரிட்டனைச் சேர்ந்த,
கேம்ரிட்ஜ் அனாலிடிகா நிறுவனம் மேற்கொண்டது.
இது தொடர்பாக விசாரணை நடந்து வருகிறது.

இந்தியாவிலும்...

இந்தியா உட்பட பல நாடுகளின் தேர்தல்களிலும், அனாலிடிகா
நிறுவனத்தின் பங்கு உள்ளதாக கூறப்படுகிறது.
5.62 லட்சம் இந்தியர்களின் தகவல்கள் திருடப்பட்டுள்ளதாக,
பேஸ்புக் நிறுவனமே கூறியுள்ளது. இது தொடர்பாக விளக்கம்
கேட்டு, பேஸ்புக் மற்றும் அனாலிடிகா நிறுவனங்களுக்கு,
மத்திய அரசு நோட்டீஸ் அனுப்பியது.

அதில், பேஸ்புக்கில், இந்திய பயனாளிகளின் தகவல்கள்
திருடப்பட்டது தொடர்பாக, ஆறு கேள்விகள் கேட்கப்பட்டு
இருந்தன.

மீண்டும் நோட்டீஸ்:

இதையடுத்து, மத்திய அரசு கேட்டிருந்த கேள்விகளுக்கு,
இரண்டு நிறுவனங்களும் பதில் அனுப்பியிருந்தன.
இந்நிலையில், தகவல் திருட்டு தொடர்பாக, மேலும் சில
விபரங்களை கேட்டு, இரண்டு நிறுவனங்களுக்கும் மத்திய
அரசு, மீண்டும் நோட்டீஸ் அனுப்பியுள்ளது.
-
------------------------------
தினமலர்