குறை மாதத்தில் குழந்தைகள் பிறந்தால் உஷார்!

by Guest Sun Jul 11, 2010 3:46 pm

குறை மாதத்தில் குழந்தைகள் பிறந்தால் உஷார்!

ஒரு பெண் கர்ப்பம் தரித்து 9 மாதம் கழித்து குழந்தை பிறக்கும் நிலையில்¢ பிரசவம் எளிதானதாக இருக்க வாய்ப்புகள் அதிகம். அதோடு மட்டுமின்றி கர்ப்ப காலத்தில் கருக் குழந்தைக்கு அந்தந்தக் காலகட்டத்தில் உருவாகக் கூடிய உறுப்புகளும் முழுமையாக பெரும்பாலும் சரியாக அமைந்து பிறந்தவுடன் பிரச்சினைகள் இருக்காது.

உதாரணமாக, கருக் குழந்தையின் 40-வது வாரத்தில்தான் (9மாதத்துக்கு மேல்) விழித்திரை வளர்ச்சி முழுமை அடையும். இந் நிலையில் 7வது மாதத்தில் குறைப் பிரசவமாக குழந்தை பிறக்கும் நிலையில் விழித்திரையில் பாதிப்பு இருக்கவாய்ப்புகள் உண்டு.

குறை மாதத்தில் பிறந்த குழந்தைக்கு விழித்திரை பாதிக்கப்படுவது ஏன்?

குறை மாதத்தில் குழந்தை பிறக்கும் நிலையில் விழித்திரை ரத்தக் குழாய்களுக்குத் தேவைப்படும் ஆக்சிஜன் கிடைக்காமல் போகலாம். இதனால் ரத்தக் குழாய்கள் சீராக இல்லாமல், புதிய ரத்தக் குழாய்கள் தோன்றி அவற்றிலிருந்து ரத்தம¢ கசியத் தொடங்கும். இதனால் விழித்திரை சுருங்கி, இயல்பான அமைப்பிலிருந்து மாறுபடும¢.

குறை மாதத்தில்¢ பிறந்த குழந்தைக்கு விழித்திரை பாதிப்பு ஏற்பட்டுள்ளதை எப்படிக் கண்டுபிடிக்கலாம்?

விழித்திரையில் ஏற்பட்டுள்ள பாதிப்பு வெளியே தெரியாது என்பதால், குறை மாதத்தில் பிறந்த குழந்தைகள் அனைவருக்கும் விழித்திரை பரிசோதனை தேவை என்பதை மகப்பேறு மருத்துவர்களும் குழந்தை மருத்துவர்களும் உணர வேண்டும். ஆப்தல்மாஸ்கோப் கருவியின் உதவியுடன் கருக் குழந்தையின் விழித்திரை பாதிக்கப்பட்டுள்ளதா என்பதை கண் மருத்துவர் மிக எளிதாகக் கண்டுபிடித்து விடுவார்.

குறை மாதத்தில் குழந்தை பிறந்தவுடன் மூச்சுத் திணறல் உள்ளிட்ட சில பிரச்சினைகளுக்காக மருத்துவமனையில் ஆக்சிஜன் செலுத்துவது வழக்கம். இந் நிலையில் மிகக் குறைவாக ஆக்சிஜன் செலுத்தினாலோ, மிக அதிகமாக ஆக்சிஜன் செலுத்தினாலோ கருக் குழந்தை விழித்திரை பாதிக்கப்படுவதற்கான வாய்ப்புகள் அதிகம். எனவே சரியாயான அளவு ஆக்சிஜன் செலுத்துவதை மருத்துவர்கள் கவனத்தில் கொள்ள வேண்டும்.

முன்பே சொன்னதுபோல் குறை பிரசவத்தில் பிறக்கும் அனைத்துக் குழந்தைகளுக்கும் கண் மருத்துவர்கள் மூலம் விழித்திரை பரிசோதனையை செய்வது அவசியம். ஆப்தல்மாஸ் கோப் கருவி மூலம் பரிசோதனை செய்து, பாதிப்பு ஏற்பட்டிருப்பது தெரியவரும் நிலையில், தொடர்ந்து 10 நாள்களுக்கு ஒரு முறை பாதிப்பின் அளவை ஆய்வு செய்வது அவசியம். குழந்தைக்கு ஒரு வயது ஆவதற்குள் லேசர் சிகிச்சை மூலம் விழித்திரையில் பாதிப்பைச் சரி செய்துவிட முடியும்.

லேசர் சிகி¢ச்சையின் முக்கிய அம்சம் என்ன?

குறைப் பிரசவத்தில் பிறக்கும் குழந்தைக்கு விழித்திரை பாதிப்பு ஏற்படுமானால், அதற்கு புதிய ரத்தக் குழாய்களை உருவாக்கும் வேதிப்பொருளே காரணமாகும். லேசர் சிகிச்சை மூலம் இந்த வேதிப்பொருள் உற்பத்தியாவது தடுக்கப்படுகிறது.

லேசர் சிகிச்சைக்கு எவ்வளவு செலவு ஆகும்?

லேசர் சிகிச்சைக்கு ரூ.2 ஆயிரம் முதல் ரூ.3 ஆயிரம் வரை மட்டுமே ஆகும்.

லேசர் சிகிச்சைக்குப் பின் மருத்துவப் பரிசோதனை தேவையா?

குழந்தை வளர வளர விழித்திரை உள்பட கண்ணின் பாகங்கள் வளர்ந்துகொண்டே இருக்கும். எனவே, குழந்தை பள்ளிக்குச் செல்லும் வரை ஆறு மாதத்துக்கு ஒரு முறை விழித்திரையைப் பரிசோதனை செய்வது அவசியம்.