1976ல் தயாரான ஆப்பிள் கணினி ; ரூ. 3.5 கோடிக்கு ஏலத்தில் சாதனை

by Muthumohamed Wed May 29, 2013 11:57 pm

1976ல் தயாரான ஆப்பிள் கணினி ; ரூ. 3.5 கோடிக்கு ஏலத்தில் சாதனை

ஆப்பிள் நிறுவனம் தயாரித்த ஆரம்பகால கணனி ஒன்று 3.5 கோடி ரூபாய்க்கு ஏலத்தில் விற்கப்பட்டுள்ளது.

கடந்த 1976ம் ஆண்டு ஆப்பிள் நிறுவனம் முதன்முதலாக தயாரித்த 200 கணனிகளில் இதுவும் ஒன்று என்பதுதான் இந்த அதிக விலைக்கு காரணம்.

எனினும், இந்த 200 கணனிகளில் வேலை செய்யும் நிலையில் உள்ளவை 6 மட்டுமே. அதில் ஒன்றுதான் மூன்றரை கோடி ரூபாய்க்கு விலை போயுள்ளது.

ஜேர்மனியைச
சேர்ந்த ப்ரெகர்(Breker) என்ற நிறுவனம் நடத்திய ஏலத்தில் ஆசிய கண்டத்தை
சேர்ந்த அடையாளத்தை வெளிப்படுத்திக் கொள்ள விரும்பாத ஒருவர் இந்த கணனியை
விலைக்கு வாங்கியுள்ளார்.
ஆப்பிள் கணனி நிறுவனத்தை ஸ்டீவ் ஜாப்சுடன்
இணைந்து தொடங்கிய வாஸ்னியாக்(Wozniak) இதில் கையெழுத்திட்டுள்ளார் என்பது
இதன் கூடுதல் சிறப்பு.

இது போன்ற பழமையான ஒரு ஆப்பிள் கணினி கடந்தாண்டு 3 கோடி ரூபாய்க்கு விலை போனது என்பது குறிப்பிடத்தக்கது.

--webdunia