அரி முகன் அருளால் வேதங்கள் ஓர் எளிய அறிமுகம் -3

வேதங்களே இந்து ஞான மரபின் தோற்றுவாய் என்று நல்லறிஞர்கள் தெரிவிக்கின்றனர்.
வேதங்கள் மனிதனின் வாழ்வோடு சுவாசமாய் கலந்தே இருந்திருக்கிறது. காரணம் வாழ்வின் எல்லா நிகழ்வோடும், முக்கிய தருணங்கள் அனைத்திலும் பாடப்பட்ட ஒன்றாகவே இருந்து வந்து இருக்கிறது.

வேதங்கள் கடந்த சில ஆண்டுகளுக்கு முன் தான் ஏட்டு வடிவிற்கு வந்தது. இயல்பில் அதன் பாரம்பரிய முறை குருபரம்பரையாக சொல்லப்பட்டு, செவி வழியாக மட்டுமே வேதங்கள் பயணப்பட்டு வந்து கொண்டு இருக்கிறது. இன்றும் கூட வேத பாடசாலைகளில் வாய்மொழி மரபாக மட்டுமே கற்பிக்கப்பட்டு வருகிறது. ஆகவே இவை எழுதாக்கிளவி என்ற வழங்கப்படுகிறது.

"ஸ்ருதி" என்ற சம்ஸ்கிருத சொல்லுக்கு கேட்கப்படுவது என்பதே பொருளாகும். தொடர்ந்து வாய்மொழி மரபினை பின்பற்றியும் கேட்கப்பட்டு மட்டுமே வேதங்கள் பயணித்த காரணம் தான்.

ஒரு கவிதை தொகுப்பு எப்படி இவ்வளவு காலம் வெறும் செவி வழியாக மட்டுமே பயணித்து எவ்வித பிழை மற்றும் தனிமனிதனின் தனிப்பட்ட பாதிப்பு அதன் மீது இல்லாமல் எப்படி பயணித்து இருக்க முடியும் என்ற வினா உங்கள் எல்லோருக்குள்ளும் உதித்து இருக்கும்.

வேதத்திற்கு மிக முக்கிய பலமே மாறுபாடு அடையாமல் இன்றும் மிக தூய வடிவில் நிலைத்து இருப்பதே ஆகும். காரணம் வேதங்கள் உச்சரிப்பிற்க்கும், குறிப்பாக குரல் ஏற்ற இறக்கம் அது மட்டுமல்லாது கவிகளை சைகை முறைகளோடு தொடர்பு படுத்தி, மேற்கண்ட விஷயங்களுக்கு மிக அதிகம் கவனம் செலுத்தி குரு பரம்பரையாக புனிததோடு வழங்கப்பட்டதே ஆகும். மேலும் அனைத்தும் மொழியின் வேர்ச்சொற்களை கொண்டே என்பதும் ஆகும்.

இதை கற்றுகொள்வது கூட ஒரு தவத்தை போன்று மிக ஒழுங்கோடு கற்பிக்க பட்டதும் கூட ஒரு மிக முக்கிய காரணம் ஆகும். இன்றும் வேதங்களை கற்றுகொள்வது (குரு குல முறையில் ) ஒரு தவம் போல்தான் நடத்தபடுகிறது பண்டைய முறைகூட மாறாமல்.

சம்ஸ்கிருத மொழியில் உச்சரிப்பிற்க்கும், அதன் இலக்கணத்திற்கும் மிக அதிக முக்கியத்துவம் வழங்கப்பட்டதே காரணமும் ஆகும்.

வேதங்கள் நான்கு பெரும் பிருவுகலாக பிரிக்கப்பட்டு இருப்பதை அனைவரும் அறிவோம்.
1.ரிக்
2.யஜுர்
3.சாம
4.அதர்வ


இதை யார் இப்படி பிரித்தது, தொகுத்தது?

பயணிப்போம் விசால தேடலுடன்.......

நண்பர்களே வினாக்கள் இருப்பின் தெரிவிக்கவும், இறுதியாக கேள்விகளோடு விவாதிப்போம். கேள்வி எனும் வேள்விதான் ஞானம் அடைய செய்ய வேண்டியது.

வேதங்கள் பற்றிய விளக்கம் அருமை நண்பா

தொடருங்கள் பதிவுகளை

வேதங்களை பற்றி மேலும் அறிந்துகொள்ள ஆர்வமாய் உள்ளேன்,தொடருங்கள் பித்தன்

தேர்ந்த தெளிவான நடை......!
தொடருங்கள்......வாழ்த்துக்களோடு உங்கள் வனவாசி.