படித்ததில் பிடித்தது...

First topic message reminder :

தாய்!
ஒருகவளம் சோறும், ஒருகுவளை நீரும்
தருபவரெல் லாமெனக்குத் தாய்!
அடக்கமில் லாமல் அதிர நடந்தால்
தடுக்கிடும் கல்லுமென் தாய்!
முலைப்பால் கொடுத்தென் முகத்தையும் சேலைத்
தலைப்பால் துடைப்பவள் தாய்
அம்மாநீ எந்தன் அருகிருக்கும் தைரியத்தில்
சும்மா இருத்தல் சுகம்!
பன்னுமாக மத்தாள் பசித்தவர் ஓட்டிலிடும்
அன்னவாக னத்தாள் அவள்.
ஓயா தியங்கி இயக்கத் துறங்குவாள்
மாயா மனோன்மணி தாய்!
எண்ணமும், எண்ணும் மனமும்ஆங் கெண்ணத்தால்
எண்ணப் படுவதும் தாய்.
மூலத் துறங்கி முனைப்பிற் கிளர்ந்தெழுவாள்
கோலக் குமிண்சிரிப் பாள்.
ஸ்ரீபுரத்தாள், மாமதுரைக் கோபுரத்தாள், பண்ணிசைக்கும்
நூபுரத்தாள் நெஞ்சே நினை.
அன்பே சிவம் அதன் ஆன்மா அவள் எனவே
அன்பே அவளேன் றறி!

சு.ரவி

தொகுப்பு அருமை

நம் முகநூல்களே போதும்; 
தலைவர் வாழ்கின்றார் என்பதற்கு! 
முகநூல்களில் ஆட்சி செய்கின்ற 
தலைவர் படங்களே சாட்சி! 
அவர் பேசிய வார்த்தைகள்... 
அவர் பற்றிய கருத்துக்கள்... 
அவரின் சிந்தனைகள் என்று 
இன்னும் ஏராளம்.... 
தினம் தினம் 
நம் முகநூல்களில் பகிரப்படுகின்றன...

உண்மைதான்  

நன்றி! நன்றி!

மண்வாசனை...!! 


மணக்கும் மண்குடிசைகள், 
ஒழுகா ஓட்டு வீடுகள், 
ஒதுங்கி நிற்கும் 
ஒற்றை பெரிய ஆலமரம், 
ஒய்யார அய்யனார் சாமி என 
மொத்தமும் சுத்தமாய் 
மண்வாசனையுடன் கிராமம்..!! 

புழுதி பறக்கும் தெரு, 
புரவியில் பறக்கும் வேகம், 
சட்டை கழற்றும் பொடுசுகள், 
சகதி மண் களங்கள், 
உருண்டு புரண்டு வீடு சேரும் வரை 
பூமி அன்னையின் மடியில்..!! 

ஓரமாய் நிற்கும் மாட்டுவண்டி, 
ஒரு பக்கம் மேயும் மாடு, 
துணையாய் மாட்டுக்காரன், 
தூரத்தில் பனிப்புல், 
இயற்கையுடன் காதல், 
வானின் மொத்த புகைப்படமும் 
இவர்களை சுற்றியே..!!! 

கட்டாந்தரை வீடு, 
சாணி மெழுகிய தரை, 
வீடு முழுக்க கோலம், 
நுழைந்தவுடன் வாசம், 
நோய் தவிர்க்கும் சுவாசம், 
அத்தனை அறிவியலுக்கும் 
அடித்தளம் இங்கே தான்..!!! 

ஒற்றைப் பனைமரம், 
பாழடைந்த வீடு, 
வற்றிப் போன கிணறு, 
வழிநெடுக நெருஞ்சி முள், 
ஆள் அரவமில்லா காடு, 
செவி வழியாய் பேய்க் கதை என 
கற்பனையில் மிரட்டிய 
கிழவி இயக்குனர்கள் பிறப்பிடம்..!! 

பொய்யில்லாப் பாசம், 
பொல்லாப்பில்லாத நேசம், 
எல்லாரும் சொந்தம், 
மொத்தமாய்ப் பந்தம், 
சோகத்தில் பாதி, 
சந்தோஷத்தில் மீதி, 
என்றும் நகத்துடன் சதையாகி 
மண்வாசனை மாறா மக்களுடன் 
மக்கிப் போகாத கிராமங்கள்..!!!

- முக நூல்

ஆபாசமும், பாலியல் பகுத்தறிவும்...!!!


தோலும் சதையும் சூடி 
காற்று நிரப்பிய வெற்று உடம்பை 
உப்பில்லாத உணர்ச்சி பூட்டி 
திரையிட்டு மூடிக் கொண்டால் 
ஐம்புலன்களும் அடங்குமென 
எப்படி ஒப்புக் கொள்வது..?? 

தீயதைப் பார்க்காதே என்றால் 
எதுவெல்லாம் தீயதென 
தீயிலடித்து சொல்லியிருக்கலாம்..!! 
நினைப்பவை எல்லாம் தீயதாகவும் 
ஒவ்வாத செய்கையெல்லாம் 
தீக் கொடியதெனவும் எவர் அறுதியிட்டது..!! 

வயதிற்கு புறம்பான செய்கை 
அர்த்தமில்லா தொடுதல் குற்றம், 
பழக்கமில்லா பார்வை குற்றம், 
விளக்கமில்லா பேச்சு குற்றமென 
குழந்தைக்கு கற்பித்தலை விட்டுவிட்டு 
குறைகூறி காரணமின்றி குற்றமாய் 
பாவித்தல் பாவமென விளங்கவில்லையோ..?? 

தாய் தாயாக தனை மறந்து 
தந்தை தோழனாகி தினம் வளர்ந்து 
இலைமறை காய் போல, 
பருவம் கடக்கும் பிள்ளைகளுக்கு 
அழகிய அனுபவம் பகிர்ந்து 
பருவ வயது பாலின மாற்றத்தை 
பக்குவப் படுத்தி விளக்கி 
உணர்வுக்களுக்கு உயிர்ப்பூட்டி 
புதியதொன்றை புரிய வைப்பது 
கடமையென தெரியவில்லையோ..?? 

மிகத் தெளிந்த குளத்தில் 
சிறு கல் எறிய நேரும்போது 
களங்கம் என்னவோ குளத்திற்கு தான்..!! 
குளத்து நீரின் மனதாய் பருவமிருக்க 
சீரழிக்கும் கற்களை எறிய 
சுற்றுப்புறமும் சூழ்நிலையும் 
சேர்ந்தே தயாராகிவிட்டனர்..!! 

விளம்பர இடைவேளை அலங்கரிக்கும் 
அரைகுறை ஆடை காட்சியும், 
நாளிதழ் பக்கமொன்று திருப்புகையில் 
அருவெருக்கத்தக்க புகைப்படமும், 
பருவ வயதில் புதிதாகவே தெரியும்..!! 

ஆபாசம் என்பதற்கும் 
பாலியல் பகுத்தறிவிற்கும் 
வித்தியாசம் உண்டென்பதை 
மறுக்கும் பெற்றோர்களே, 
குற்றமென பார்த்தால் எல்லாம் குற்றமே 
பாலியலும் ஒரு உணர்வுப்பூர்வமான 
புரிதல் என்பதை தெரிந்து கொள்ளுங்கள்..!!

- முக நூல்

இதோ ஒரு மூடன்... 

கண்முன் தெரியாமல்,
உன்னை கை பிடிக்க,
துடிக்கும் மூடன்... 

காதலன் என்றாலும்,
கணவன் என்றாலும்,
உணக்கேன்று என்னிடத்தில்,
எல்லைகள் உண்டு...

எல்லைகள் தாண்டினால்,
ஈட்டிகள் உறுதி,
அதில் குருதிகள் என்றால்,
எனக்கோ மறதி...

மூடிய கதவுகள்,
காற்றுக்கு ஆடாது... 
கூச்சலும் போடாது... 
என் நெஞ்சமும்,
அப்படி தான்,
காதலனுக்காகவும் திறவாது,
கணவனாய் மாறினாலும் திறவாது...

- முக நூல்

அன்பு தோழி அவள்,
அடக்கமாய் அவள் கையில் நான்,
ஆழமாய் அவள் நெஞ்சில் நான்,
அழிக்க முடியாத உறவு தந்தவள் அவள்,
ஆச்சரியமாய் என்றும் திகழ்பவள்,
அள்ளி கொடுத்தாலும்,
கிள்ளி கொடுத்தாலும்,
அவள் முடிவு சரி என்பேன்,
முதுர்ச்சி வந்த பின்பும்,
தளர்ச்சி இல்லாமல் எனக்காக துடிப்பவள்,

அம்மா... 
- முக நூல்

பெண்மை என்பது தாய்மை... 

பெண்மை என்பது மென்மை,
பறவையின் இறகு கூட தோற்கும்,
தாயின் வருடலில்...

பெண்மை என்பது உண்மை,
பொய்யான பாசங்கள் கூட தோற்கும்,
தாயின் உண்மையான அன்பில்...

பெண்மை என்பது கருணை,
கடவுள் கூட தோற்றுபோவான்,
தாயின் கருணையில்...

பெண்மை என்பது பெருந்தன்மை,
தெய்வம் கூட மன்னிக்கமறுக்கும் தவறுகளை,
தாய்மை மன்னிக்கும்...
- முக நூல்

   

நட்பு 
நட்பு என்பது நாம் 
கருவறையில் கால் உதைத்து 
கல்லறையில் கால் பதிக்கும் 
இடைப்பட்ட காலங்களின் 
ஒரு அழகான - நாட்குறிப்பு

- மோகன சுந்தரி

நட்பு
பிசிராந்தையாரது நட்பு
பிசிரற்ற ஒரு நட்பு
சுகம் பார்ப்பதல்ல நட்பு
சுவையான சுமையே நட்பு
நலம் நாடி மகிழும்
நன்மை கோடி பெறும்
நட்பால் பெற்ற புகழும்
நாளும் சுடர் விடும்
வாள் வீச்சின் வன்மைக்கும்
தேள் கொடுக்கின் கொடுமைக்கும்
வேள்வித் தீயின் நன்மையாய்,
தோள் கொடுக்கும் தோழமை.
நட்பென்ற மேம்பாலம்
கடலையும் கடக்கும்.
இணைப்பில்லா இரும்பும்
காந்தமென ஈர்க்கும்.

நிலைக்கும் நினைவலை
நெஞ்சத்தை நனைக்கும்.
நலிந்தாலும் நட்பு வேர்
பதமாக துளிர் விடும்.

http://www.kavithai@facebook.com

தாலாட்டு
குதூகலமே குழந்தைதானே!
அமைதிப்படுத்த ஆர்ப்பாட்டமா?
நிர்ப்பந்தம் செய்தாவது,
தூக்கம் தரப்பட வேண்டுமா?
பக்குவமான பாடலோ
பல மொழி தாலாட்டல்லவா?
பரப்பரப்பாய் பறக்கும் பலரும்
பயமுறுத்தியே தூங்கச் செய்வர்.
தாய்மார்களுக்கோ தவிப்பு.
தாலாட்டுப் பாட தயக்கம்.
தவறிப்போய் பாடிவிட்டாலோ,
தப்பாமல், பாப்பா மூடிவிடும் வாயை.
ஓராண்டு ஓடிவிட்டால், பாப்பா..நீ
ஒழுங்காய் பள்ளிக்கு ஓடிவிடு.
ஓயாது அழுதிட்டால், போடுவாள் இனி
ஒரு சத்தமெனும் தாலாட்டு

 http://www.kavithai@facebook.com

நீ......
நான் அழும்போது, சாய்ந்துகொள்ள
தோள் கொடுக்க, நீ
நான் சிரிப்பது ஒன்றே
உன் வாழ்வின் குறிக்கோள்.
நீரைப் பிரித்தால், மூலக்கூறுகள்
ஹைட்ரஜன், ஆக்ஸிஜன் மட்டுமே, - இந்த
'நீ' ஐப்பிரித்தால், உன்னில்
நானும், நீயும் மட்டுமே.
துப்பாக்கிக்கு குண்டுகள் போல்,
நானின்றி இயங்க முடியாது நீ.
பூமியின் உள்மையம் அனற்குழம்பல்லவா?
'நீ'யும் என்னுள் எரியும் பெருந்'தீ'தான்.
அறிந்துகொள்ள இயலவில்லை இன்னும்,
அந்த 'நீ' யாரென்று.

http://www.kavithai@facebook.com

வானவில்
சொல்லால் வடிக்கவியலா
வில்லாக நீயிருந்தாலும்,
பார்வை அம்புகள் பல
பாய்வதென்னவோ உன்மீதுதான்.
வானிற்கு நான் வர வேண்டும்.
வளைவதற்கு வரம் வேண்டும்.
வண்ணங்களைக் காட்டி விடு.
எண்ணங்களைத் தீட்டிக் கொடு.
விண்ணில் விடுதலை, பெற்றாயோ
வானில் விளைந்த விசால ஓவியமே!
வீணான கண்கள் உனைக் காணாதவை.
விட்டுப் போகாதே பட்டான நிறக் கொத்தே!

http://www.kavithai@facebook.com

பணிவே பண்பு  

தன்னடக்கம் உன் 
தலைக்கு மகுடம் 
தற்பெருமை உன் 
கழுத்துக்கு கத்தி.. 
பணிவே பண்பு - தற் 
பெருமை சிறுமை..!


நன்றி! முக நூல்...

உன்னைத்தான் தேடுகிறது மனம்
முதலாகவும் முடிவாகவும்….

எனக்குத்தெரியும்
நீ நேசிப்பது என்னை மட்டும்தான் என்று.
ஆனாலும் உள்ளே உறுத்தல்கள்.
எனைவிடவும் உனக்கென்று
புதிது புதிதாய் நண்பர்கள்
சிற்றீசல்போல் தோன்றியுள்ளனர்.
எனக்கென்றும் நீ மட்டும் தானடீ
என் முதலும் முடிவுமாக.

உரத்துக் கூச்சலிட்டாலும்
அதைக் கேட்கும்படி அருகில் நீ இல்லை.
உரத்துக் கூச்சலிட முடியாதவனாய்,
உள்ளம் எரிக்கும் வார்த்தைகளை
அள்ளி வீசியது உண்மைதான்.
ஆனாலும் நீ விளங்கிக்கொள்,
அனாதைக்குழந்தையின்
சிறிய ஏக்கங்கள் கூட
புறக்கணிக்கப்டும் இந்த உலகில்,
அன்புக்காய் ஏங்கும் என்னை
ஒரு தாயைப்போலே ஏற்றுக்கொள்.

எனக்கானவள் நீ.
உனக்கானவன் நான் என்று
உயில் எழுதி விட்ட அந்த ஆண்டவன்
ஏன் அதை எம் கரம் தர மறுத்தானடீ.
விண்ணும் மண்ணும் அதிர
ஒருதரம் உன்பெயர் உச்சரித்து
“எனக்காய்ப் பிறந்தவள் நீ”
என்று வானுலகும் கேட்க
உரத்துக் கூறிவிடத் துடிக்கிறது என் இதயமடீ!
அதன் பிறகே எனை
மரணம் தழுவட்டும்!
உனை வாழ்த்தி விடைபெறுவேன்
சந்தோசமாக,
நான் உனைக் காயப்படுத்திய
இந்தப் பொழுதுக்காக மன்னிப்புக்கேட்டு.

-----------------------------------கவிதையின் காதலன்


நன்றி! முக நூல்...