படித்ததில் பிடித்தது...

by sawmya Fri Sep 20, 2013 12:17 pm

First topic message reminder :

தாய்!
ஒருகவளம் சோறும், ஒருகுவளை நீரும்
தருபவரெல் லாமெனக்குத் தாய்!
அடக்கமில் லாமல் அதிர நடந்தால்
தடுக்கிடும் கல்லுமென் தாய்!
முலைப்பால் கொடுத்தென் முகத்தையும் சேலைத்
தலைப்பால் துடைப்பவள் தாய்
அம்மாநீ எந்தன் அருகிருக்கும் தைரியத்தில்
சும்மா இருத்தல் சுகம்!
பன்னுமாக மத்தாள் பசித்தவர் ஓட்டிலிடும்
அன்னவாக னத்தாள் அவள்.
ஓயா தியங்கி இயக்கத் துறங்குவாள்
மாயா மனோன்மணி தாய்!
எண்ணமும், எண்ணும் மனமும்ஆங் கெண்ணத்தால்
எண்ணப் படுவதும் தாய்.
மூலத் துறங்கி முனைப்பிற் கிளர்ந்தெழுவாள்
கோலக் குமிண்சிரிப் பாள்.
ஸ்ரீபுரத்தாள், மாமதுரைக் கோபுரத்தாள், பண்ணிசைக்கும்
நூபுரத்தாள் நெஞ்சே நினை.
அன்பே சிவம் அதன் ஆன்மா அவள் எனவே
அன்பே அவளேன் றறி!

சு.ரவி

by sawmya Thu Oct 31, 2013 12:52 pm

மாற்றம்
--------

எதிர்பார்ப்புகளே....
இல்லாமல் இருந்த எனக்கு
உன்னை பார்த்தமுதலில் இருந்து.....
எதை எதையோ தேடுகிறது!
நல்லதோ.....கெட்டதோ....
எதுவென்று எனக்குப் புரியவில்லை.
சொல்லவும் தெரியவில்லை
வழியதுவும் சொல்ல முடியவில்லை!

வெற்றிடமாக இருந்த
என் உள்ளத்தில்...
உன் நினைவுகள் மட்டும்
ஏதேதோ செய்து
முழுமையாக்கியுள்ளது!
அதுதான் எப்படி என்றுதெரியவில்லை!

என் எண்ணங்கள் கூட
வண்ணங்கள் ஆகியுள்ளது.
வார்த்தைகள் கூட
வாத்தியங்கள் வாசிக்கின்றன...
சில வேளைகளில்
தத்துவங்கள் ஆகுகின்றன....
வரம்பு மீறிப் போகாமல்
உன் நினைவுகள்
வேகத்தடை போடுகின்றன...!

எல்லாவற்றையும்
அழகாகப் பார்க்கச் சொல்லுகிறது.
பார்த்தவைகள் எல்லாவற்றையும்
அழகாக இரசிக்கச் சொல்லுகிறது.
மதியிழந்து போகாமல்
நிதனாமாக சிந்திக்கச் செய்கிறது.
அடங்காப் பிடாரி என்னை
அடக்கமுள்ளவனாக ஆக்கியுள்ளது.
நடை உடை பாவனையில்
பல மாற்றங்கள் ஏற்படுத்தியுள்ளது...!

இந்த மாற்றங்கள் அனைத்தும்
எப்படித்தான் வந்தது என்று
புரியவில்லை,
சொல்லவும் தெரியவில்லை!
விவரிக்கவும் முடியவில்லை!

காதலும் இல்லை!
காமமும் இல்லை!
இருந்தாலும் என்னவென்று
சொல்லவும் தெரியவில்லை!
அதனால்தான்....
இந்த மாற்றத்திற்குரிய விடையை
உன்னிடமே தேடுகின்றேன்....!

-வல்வை அகலினியன்.

படித்ததில் பிடித்தது...

படித்ததில் பிடித்தது...

Re: படித்ததில் பிடித்தது...