கடும் மின்வெட்டு - தொலைக்காட்சித் தொடர்களின் மவுசு குறைந்தது!

by செந்தில் Mon Sep 24, 2012 10:09 pm

கடும் மின்வெட்டு - தொலைக்காட்சித் தொடர்களின் மவுசு குறைந்தது!

கடும் மின் பற்றாக்குறை காரணமாக, மின் வெட்டு நேரம் நாளுக்கு நாள் அதிகரித்து வருகிறது. சென்னை தவிர, மாநிலத்தின் மற்ற மாவட்டங்களில், கடந்த சில தினங்களாக, 14 மணி நேர மின் வெட்டு அமல்படுத்தப்பட்டு வருகிறது. இதனால், "டிவி'யில் அழுகை தொடர்களைப் பார்க்கும் பார்வையாளர்கள் எண்ணிக்கை வெகுவாகக் குறைந்து உள்ளது.

கோடிக்கணக்கில் செலவு செய்து, "டிவி'க்களில் விளம்பரம் செய்யும் வர்த்தகர்கள், அதற்கான பலன் கிடைப்பதில்லை என்று வருந்தும் நிலை ஏற்பட்டுள்ளது.குறிப்பாக, பகல், 12 மணி முதல், 3 மணி வரை, மாலை, 5 முதல், இரவு, 10 மணி வரையிலான காலகட்டத்தில் ஏற்படும் மின் வெட்டு காரணமாக, "டிவி' பார்ப்போர் எண்ணிக்கை கணிசமாகக் குறைந்துள்ளது.

குறிப்பாக, இந்த நேரத் தில் தான் பெரும்பாலான, "டிவி' சேனல்களில், மெகாதொடர்கள் ஒளிபரப்பாகின்றன. இவற்றை பார்த்து பொழுதை போக்கி வந்த வீட்டுப் பெண்கள், முதியவர்களை, "டிவி' நிகழ்ச்சிகள் சென்றடையாத நிலை உள்ளது. மின் வெட்டு காரணமாக, ஒட்டு மொத்தமாக, "டிவி' பார்ப்போர் எண்ணிக்கையில் பாதிப்பு ஏற்பட்டுள்ளது.

இந்த பாதிப்பு, விளம்பரதாரர்கள் மத்தியிலும் எதிரொலித்துள்ளது. பெரும்பாலும், "டிவி' நிகழ்ச்சிகள் அனைத்தின் இடையிலும் விளம்பரங்கள் வருகின்றன. மின் தடையால் பொதுமக்கள், "டிவி'யை பயன்படுத்தாததால், தங்களது தயாரிப்புகளை பிரபலப்படுத்தும் நிறுவனங்கள் வருத்தத்தில் உள்ளனர்.

கடும் மின்வெட்டு - தொலைக்காட்சித் தொடர்களின் மவுசு குறைந்தது! Tvchannels22912150

கடும் மின்வெட்டு - தொலைக்காட்சித் தொடர்களின் மவுசு குறைந்தது! Tvchannels22912150

by மகா பிரபு Mon Sep 24, 2012 10:11 pm

மகிழ்ச்சி மகிழ்ச்சி.

by முரளிராஜா Mon Sep 24, 2012 10:15 pm

இங்க என் வருமானமே போச்சு
இப்ப இதோட ம்வுசு குறையறதுதான் ரொம்ப முக்கியம்
அப்படியே தமிழில் வரும் தொடர்கள் எல்லாம் காவியங்கள் பாருங்க கவலைபட மண்டையில் அடி