ஈரோடு : கழிவு நீர் தொட்டியில் விஷ வாயு தாக்கி 7 பேர் பலி

-


ஈரோடு மாவட்டம் பெருந்துரையில் சிப்காட் வளாகத்தில் உள்ள ரசாயன கழிவு நீர் தொட்டியை சுத்தம் செய்த போது, விஷ வாயு தாக்கியதில் 7 பேர் பலியாகினர்.

சிப்காட் வளாகத்தில் கழிவு நீர் தொட்டியை சுத்தம் செய்யும் பணியில் ஒரு தொழிலாளி ஈடுபட்டிருந்தார். அவர் திடீரென மயங்கி விழுந்தார். அவர் மயங்கி விழுந்ததைப் பார்த்த 6 பேர் ஓடிச் சென்று அவரை காப்பாற்ற முயன்றனர். அப்போது, அந்த 6 பேரும் விஷ வாயு தாக்கி மயங்கி விழுந்தனர். தொட்டியில் இறந்து கிடந்த 7 பேரது உடல்களையும் மீட்புப் படையினர் மீட்டனர்.

உயிரிழந்த தொழிலாளர்கள் அனைவரும் திருப்பூர் மற்றும் ஈரோடு பகுதிகளைச் சேர்ந்தவர்கள் ஆவர்.

பாதுகாப்பு கவசம் ஏதுமின்றி துப்புரவுப் பணியில் ஈடுபட்டதால் இந்த விபத்து நேரிட்டதாக முதல்கட்ட விசாரணையில் தெரிய வந்துள்ளது.

உயிரிழந்த 7 பேரில், சிவா, சுதாகர், ஸ்ரீதர், முருகன் ஆகியோர் அடையாளம் காணப்பட்டுள்ளனர். மீதம் 3 பேர் அடையாளம் காணும் பணி நடைபெற்று வருகிறது.