வங்கதேசம்: மின்னல் தாக்கி 56 பேர் பலி

வங்கதேசத்தில் கடந்த 2 நாட்களில் மின்னல்
தாக்கி 56 பேர் உயிரிழந்த சம்பவம் பெரும்
சோகத்தை ஏற்படுத்தியுள்ளது.

அந்நாட்டின் பல்வேறு பகுதிகளில் கடந்த சில
நாட்களாக, இடியுடன் கூடிய கனமழை பெய்து
வருகிறது. இதில், தொடர்ச்சியாக இடி, மின்னல்
தாக்குவதால், கடந்த 2 நாட்களில் மட்டும்
56 பேர் உயிரிழந்துள்ளனர்.

ஆண்டுதோறும், இடி, மின்னல் தாக்குவது
வழக்கமான ஒன்றே. மேலும், பருவமழை, புயல்
உள்ளிட்ட இயற்கைப் பேரிடர்களில் சிக்கி,
ஒவ்வொரு ஆண்டும் சராசரியாக, 300 பேர் வரை
உயிரிழப்பு ஏற்படும்.

ஆனால், நடப்பாண்டில் இடி, மின்னல் தாக்கம்
வழக்கத்தைவிட அதிகமாக உள்ளது. தற்போது
உயிரிழந்தவர்களில் பெரும்பாலானோர் விவசாயிகள்
ஆவர்.

இதற்கிடையே, நாடு முழுவதும், இடி, மின்னல்
தாக்குதலை எதிர்கொள்ள முறையான பாதுகாப்பு
வசதிகள் ஏற்படுத்த, வங்கதேச அரசு முடிவு
செய்துள்ளது.
-