காதலைச் சொல்லுங்கள் தென்றலிடம்

by rammalar Wed May 21, 2014 11:52 am

--
காதலைப் பாடுங்கள் கவிஞர்களே -உங்கள்
கருத்தினிலே புதிய ஒளி பிறக்கும்
காதலை வடியுங்கள் சிற்பிகளே – உங்கள்
கைகளில் புதிய கவிதை வரும் !
-
காதலைப் பேசுங்கள் பேச்சாளார்காள்
கரவொலி உங்கள் செவி பிளக்கும்
காதலை வரையுங்கள் ஓவியர்காள் – உங்கள்
கண்களில் புதிய கலவை வரும்.
-
காதலைப் பாருங்கள் வெண்திரையில் – உங்கள்
கனவில் வந்து அது வேலை செய்யும்
காதலைச் சொல்லுங்கள் காற்றினிடை
கனிந்து வரும் நல்ல வான மழை !
-
காதலாய் நடங்கள் கடற்கரையில்
கடலலைகள் உங்கள் கால் தழுவும்.
தென்றலிடம் சொல்லுங்கள் காதலினை – முன்னே
சென்றது மீண்டும் திரும்பி வரும் !
-
————————————
நன்றி:

>சிறுவேலன்குடி சுதிர்

by முழுமுதலோன் Wed May 21, 2014 11:55 am

காதலைச் சொல்லுங்கள் தென்றலிடம்

காதலைச் சொல்லுங்கள் தென்றலிடம்

Re: காதலைச் சொல்லுங்கள் தென்றலிடம்