தெரிந்து கொள்ளுங்கள்

by mohaideen Sat Jun 14, 2014 8:08 pm

[You must be registered and logged in to see this image.]

ஜூன் 14: இன்று உலக ரத்த தானம் செய்வோர் தினம்

உயிர் காக்கும் ரத்த தானத்தின் மகத்துவத்தைச் சொல்லும் வகையில், ஒவ்வோர் ஆண்டும் ஜூன் 14 ஆம் தேதி 'உலக ரத்த தானம் செய்வோர் தினம்' கொண்டாடப்படுகிறது.

தானாக முன்வந்து ரத்த தானம் செய்பவர்களை பாராட்டும் விதத்திலும், விழிப்புணர்வு ஏற்படுத்தும் விதமாகவும் ரத்த தானம் செய்வோர் தினம் கடைபிடிக்கப்படுகிறது.

முள்ளுக்குள் காற்று

முள்ளம் பன்றியை நீரில் அமிழ்த்தி மூழ்கடிக்கவே முடியாது. காரணம், அதன் மேலுள்ள முட்கள். இந்த முட்களில் வெற்றிடம் நிரம்பியுள்ளது. இவை பலூன் போல முள்ளம் பன்றியை மேலே மிதக்க வைக்கத்தான் செய்யுமே தவிர மூழ்கடிக்காது.

முதல் ரயில்

உலகின் முதல் ரயில் சேவை பிரிட்டனில் 1825-ம் ஆண்டு தொடங்கியது. அன்றுதான் ஜார்ஜ் ஸ்டீவன்சன் தான் உருவாக்கிய நீராவி எஞ்சின் மூலம் ஸ்டாக்டனிலிருந்து டார்லிங்டனுக்கு பொதுமக்கள் பயன்பாட்டுக்கான முதல் ரயிலை வெற்றிகரமாக இயக்கிக் காட்டினார்.

சுட்ட சூரியன்

இந்தியாவில் 1956-ம் ஆண்டு மே மாதம் 10-ம் தேதி அன்று ராஜஸ்தான் மாநிலம் அல்வார் என்ற ஊரில் அதிகபட்ச வெப்ப நிலை பதிவானது. 50.6 டிகிரி செல்சியஸ்! அதாவது 123.10 டிகிரி ஃபாரன்ஹீட். இப்போது வரை இந்தியாவின் அதிகபட்ச வெப்ப நிலை இதுதான்.

நாடுகளை இணைத்த பாலம்

ஒரு நாட்டையும் இன்னொரு நாட்டையும்கூடக் கடல் பாலம் வழியாக இணைத்திருக்கிறார்கள். சவுதி அரேபியாவின் கோபார் நகரையும், பஹ்ரனையும் இப்படி இணைத்திருக்கிறார்கள். 1986-ம் ஆண்டில் கட்டப்பட்ட இந்தப் பாலத்தின் பெயர் கிங் ஃபாஹெட் கடல் பாலம்.