புராதனச் சின்னமாக அறிவிக்கப்பட்ட படித்துறை கிணறு

Rani_Ki_Vav_1குஜராத்தில் உள்ள 11ஆம் நூற்றாண்டில் அமைக்கப்பட்ட புகழ்பெற்ற “ராணி-கி-வாவ்’ படித்துறை கிணற்றை சர்வதேச புராதனச் சின்னமாக ஐ.நா. சபையின் யுனெஸ்கோ அமைப்பு அறிவித்துள்ளது.

குஜராத் மாநிலம் படான் நகரில் அமைந்துள்ள ராணி கி வாவ் என்ற படித்துறை கிணறு கிழக்கு முகம் நோக்கிய படிகட்டுகளைக் கொண்டது. 64 மீட்டர் நீளமும், 20 மீட்டர் அகலமும், 27 மீட்டர் ஆழமும் உடையது.

குஜராத் பகுதியை ஆண்ட ராணி உதயநிதி, மறைந்த தனது கணவரும், மகாராஜாவுமான பீம்தேவ் நினைவாக 1063ஆம் ஆண்டு இதனை கட்டியுள்ளார். பிறகு சரஸ்வதி நதியில் ஏற்பட்ட வெள்ளப்பெருக்கின் போது இந்த கிணறு முற்றிலும் புதைந்துவிட்டது. பிறகு தொல்பொருள் ஆராய்ச்சியாளர்களால் இந்த கிணறு 1098ஆம் ஆண்டுகளில் வெளி உலகுக்குக் கொண்டு வரப்பட்டது.

விஷ்ணு பகவானின் திருவுருவங்கள் அமைந்த ஏராளமானச் சிற்பங்கள் இந்த கிணற்று படிகளில் மிக அழகாக செதுக்கப்பட்டுள்ளது. அதிலும் கல்கி, ராமர், நரசிம்மர், வராகி, வாமனன் உட்ட தசாவதாரங்களும் இங்கு மிக அருமையாக சித்தரிக்கப்பட்டுள்ளது.


சுமார் 50 – 60 ஆண்டுகளுக்கு முன்பு இந்த கிணற்றைச் சுற்றி மிகச் சிறந்த ஆயுர்வேத மூலிகைகளை வளர்த்துள்ளனர். இதன் வாயிலாக இந்த தண்ணீர் பல மருத்துவ குணம் வாய்ந்த மருந்தாகவும் இருந்துள்ளது.

இந்த கிணறை புராதனச் சின்னமாக அறிவித்துள்ளது குறித்து மத்திய கலாசாரத்துறை அமைச்சகம் வெளியிட்ட அறிக்கையில் : நாட்டின் நீர்வளப் பாதுகாப்பு அமைப்புகளுக்கு சிறந்த எடுத்துக்காட்டாக விளங்கும் ராணி-கி-வாவ் கிணற்றுக்கு சர்வதேச புராதனச் சின்னமாக யுனெஸ்கோ அமைப்பு அங்கீகாரம் அளித்திருப்பது அதற்கு கூடுதல் பெருமையை சேர்த்துள்ளது.

கத்தார் நாட்டில் உள்ள தோஹா நகரில் நடைபெற்றுவரும் யுனெஸ்கோவின் உலக பாரம்பரிய கமிட்டி கூட்டத்தில் இந்த அறிவிப்பு வெளியானது. பிரளயத்தின் காரணமாக சரஸ்வதி நதி அழிந்ததைத் தொடர்ந்து ஏற்பட்ட வெள்ளத்தில் இந்தக் கிணறும் பூமிக்குள் புதையுண்டது.Rani_ki_Vav_scul

இந்திய தொல்லியல் துறையினர் மேற்கொண்ட அகழ்வாராய்ச்சியில் சுமார் 700 ஆண்டுகள் கழித்து மீண்டும் இந்த கிணறு கண்டுபிடிக்கப்பட்டது. 7 அடுக்குகள் கொண்ட ராணி-கி-வாவ் படித்துறை கிணற்றின் கட்டுமான அமைப்புகள் தற்போதும் உறுதியாக உள்ளன. ஒவ்வொரு அடுக்கிலும் கலைநயத்துடன் கூடிய அழகிய சிற்பங்கள் அமைக்கப்பட்டுள்ளன. மரூ-குர்ஜாரா வம்சத்தினரால் அமைக்கப்பட்ட ராணி-கி-வாவ் கிணறு அந்த காலகட்டத்தில் கட்டடத்துறை சிறப்பாக விளங்கியதை எடுத்துக் காட்டுகிறது.

நாட்டில் ஏற்கெனவே யுனெஸ்கோ அங்கீகாரம் பெற்ற 30 உலகப் பாரம்பரியச் சின்னங்கள் உள்ளன. இதில் 24 கலாசார தலங்களும், 6 இயற்கை தலங்களும் அடங்கும். தற்போது ராணி-கி-வாவ் கிணற்றுக்கும் அந்த அங்கீகாரம் கிடைத்துள்ளது என்று அந்த அறிக்கையில் கூறப்பட்டிருந்தது.

மேலும், கத்தாரில் நடைபெறும் உலகப் பாரம்பரிய கமிட்டி கூட்டத்தில் ,ஹிமாசலப் பிரதேசத்தில் உள்ள இமயமலை தேசிய பூங்காவையும் உலகப் புராதனச் சின்னமாக அறிவிப்பது குறித்து திங்கள்கிழமை முடிவு எடுக்கப்படும் என அரசு வட்டாரங்கள் தெரிவித்தன.

நன்றி: தினமணி

பயனுள்ள தகவலுக்கு நன்றி அண்ணா

அறியத்தந்தமைக்கு நன்றி அண்ணா