சிறப்பு கவிஞர் விருதுக்கான புதிய விதிமுறைகள்.

வணக்கம் கவிஞர்களே,


தகவல் தளம் ஒரு பல்சுவை தளம். இந்த தளத்தில் தமிழ் இலக்கியங்கள் முதல் அன்றாட நிகழ்வுகள், பொது அறிவு களஞ்சியம், கவிதை, கதை, கட்டுரை, வரலாறு, தொழில்நுட்பம், மருத்துவம், ஆன்மிகம், மகளிர் கட்டுரைகள் வரை அனைத்துமே நிரம்பிய ஒரு நூலகம் போன்றது.
 
சிறப்பு கவிஞர் விருது அறிவிக்கப்பட்ட நாள் முதல் நம் தளம் முழுமையாக கவிதை தளமாகவே மாறிவிட்டது. நம் தளத்திற்க்கு வரும் பாவனையாளர்கள் அனைவருமே தளத்தின் இடது பக்கம் இருக்கும் "LATEST TOPICS" பகுதியைதான் பார்ப்பார்கள். அது முழுவதும் கவிதைகளால் நிரம்பி இருந்தால் இது கவிதை தளம் என்றுதான் நினைக்க தோன்றும், கவிதைகளை ரசிப்பவர்கள் மகிழ்ச்சி அடைவார்கள், பொதுவான விஷயங்களை பற்றி அறிய வருபவர்கள் உடனே வேறு தளத்துக்கு சென்று விடுவார்கள் என்பது நியாயமே. எனவே தளத்தின் நடத்துனர் குழுவில் ஒரு முடிவு செய்து இருக்கிறோம்.
 
புதிய விதிமுறைகள்:
1.  ஒவ்வொரு வாரமும் திங்கள் கிழமை காலை ஒரு தலைப்பு தரப்படும். (உதாரணம்: தாய்) அந்த பதிவில் மட்டுமே உங்கள் கவிதைகள் ஒன்றன் கீழ் ஒன்றாக இடம் பெற வேண்டும்.

2. ஒரு கவிஞர் இரண்டு கவிதைகளுக்கு மேல் எழுத கூடாது.

3. ஒவ்வொரு கவிதையும் குறைந்தது 10 வரிகள் இருக்க வேண்டும்.

4. புது கவிதைகள், மரபு கவிதைகள், வெண்பா கவிதைகள் போன்ற அனைத்தும் எழுதலாம்((இரண்டு வரி கவிதைகள், குறுங்கவிதைகள், ஹைக்கூ போன்ற கவிதைகளை பரிசீலிக்க இயலாது.)

5. உங்கள் கவிதைகள் இதற்கு முன் வேறு எங்கும் பிரசுரித்ததாக இருக்க கூடாது. இங்கே பதிவிட்ட பின்னர் வேறு தளங்களில் பதிவிட தடை இல்லை.

6. நடுவர் குழுவின் முடிவே இறுதியானது.


கவிஞர்கள் தொடர்ந்து உங்களின் நல்லாதரவை வழங்கிட வேண்டுகிறோம். ஏதேனும் சந்தகம் இருந்தால் வழிநடத்துனர் அல்லது தலைமை நடத்துனர்களை அணுகி விவரம் அறியலாம்.

நட்புடன்
நடத்துனர்கள் குழு 
தகவல் தளம். 
www.thagaval.net

ஒவ்வொரு வாரமும் திங்கள் கிழமை காலை ஒரு தலைப்பு தரப்படும்.
என்று சொல்லி இருந்தீர்கள் ஆனால் அவகாசம் எத்தனை நாள் என்று சொல்லப்படவில்லை 
ஒவ்வொரு கவிதையும் குறைந்தது 10 வரிகள் இருக்க வேண்டும். 
ஆனால் கூடிய பட்ச வரி எல்லை அறிவிக்கப்படவில்லை 
ஒரு கவிஞர் இரு கவிதை மாத்திரம் எழுத வேண்டும் என்ற விதிமுறை 
மிகவும் போற்றத்தக்கது.இதற்காக நீங்கள் சொல்லி இருந்த காரணமும் மிகச் சரியானது

mohammed sarfan wrote:ஒவ்வொரு வாரமும் திங்கள் கிழமை காலை ஒரு தலைப்பு தரப்படும்.
என்று சொல்லி இருந்தீர்கள் ஆனால் அவகாசம் எத்தனை நாள் என்று சொல்லப்படவில்லை 
ஒவ்வொரு கவிதையும் குறைந்தது 10 வரிகள் இருக்க வேண்டும். 
ஆனால் கூடிய பட்ச வரி எல்லை அறிவிக்கப்படவில்லை 
ஒரு கவிஞர் இரு கவிதை மாத்திரம் எழுத வேண்டும் என்ற விதிமுறை 
மிகவும் போற்றத்தக்கது.இதற்காக நீங்கள் சொல்லி இருந்த காரணமும் மிகச் சரியானது

மிக்க நன்றி மொஹமத் சார்பான்!!!

இங்கே சென்று பாருங்கள். http://www.thagaval.net/t31895-topic

இந்த கவிதை தலைப்பு எதிர்வரும் ஞாயிறு மதியம் 1.30 வரை திறந்து இருக்கும். அதுவரை உங்கள் கவிதைகளை பதியலாம். அதற்கு பிறகு நடுவர் குழு பரிசீலனைக்கு சென்று விடும்.

கவிதைகள் 8 வரிகளுக்கு குறையாமல் இருக்கவேண்டும். அதிகபட்சம் 25 வரிகள் கூட இருக்கலாம் தவறில்லை.

இதைத் தான் எதிர் பார்த்தேன்!போட்டி என்பது இப்படித்தான் இருக்க வேண்டும்.மிகவும் சிறப்பான ஏற்பாடு .பாராட்டுக்கள் !

அருமையான முடிவு,வாழ்த்துகள்

அடடா என்ன கவிதை இங்கே பதிந்து விட்டீர்கள்?

இந்த முகவரியில் பதிவிட வேண்டும் அண்ணா. @thamiliniyan
http://www.thagaval.net/t31895-topic


உங்கள் கவிதையை நானே நகர்த்தி விட்டேன். அடுத்த முறை பார்த்துக்கொள்கிறேன்.

தவறுக்கு மன்னியுங்கள்.நன்றி சுட்டிக்காட்டி நகர்த்தியமைக்கு.

இது முதல் முறை என்பதால் தவறில்லை. மன்னிப்பு என்பது பெரிய வார்த்தை வேண்டாமே.