நம்பிக்கை யோடு

by info.ambiga Fri Apr 17, 2015 6:10 pm

நாளை என்ற நம்பிக்கையில் மட்டுமே!
எங்கோ ஒரு மரம்
நாளைய சிசுவிலையை நம்பி
முதிரிலை உதிர்க்கிறது..

எங்கோ ஒரு விதை
மண் முட்டி
நீர் சேர்த்து துளிர் விடுகிறது..

எங்கோ ஒரு பறவை
தன் சிறகு நீட்டி இறகுதிர்த்து
இறக்கை வளர்க்கிறது.,

எங்கோ ஒரு சிறுமுகை
தன் மொட்டவிழ்த்து நறுமணம்
பரப்புகிறது ..

எங்கோ ஒரு பூஞ்சிட்டு
தன் கால் கொண்டு
வானளந்து ஆர்ப்பரிக்கிறது..

எங்கோ ஒரு விவசாயி
தன் முதுகொட்டிய வயிற்றோடு
கலப்பையை தோளிட்டு வானம்
பார்க்கிறான்..

நானும் நாளை
எனக்கானது என்ற நம்பிக்கையோடு
இன்றை கடத்திச்
செல்கிறேன்....

இன்போ.அம்பிகா,