சிந்திக்க நெஞ்சங்களே...!!-கவிஞர் முஹம்மத் ஸர்பான்

சிறகில்லாத சிட்டுக்குருவி சிறகடிக்க,
சுமந்தோர் வயிற்றில் ஈரத்துணியுடுத்து
தன் பிள்ளைக்கு பொருள் தேடும் காலம்.

அல்லும் பகலும் கண்விழித்து நல்லவனைத்
தேடி சம்மந்தம் பேச,அத்தைக்காரி குளிர்வீசும்
வீட்டறையும்,புகழ் வீசும் அணிகளையும்
வரதட்சனை எனும் பெயரில் பிச்சை எடுப்பாள்.
மணமகன் பொன்னிற மேனியை தேடுவான்.

வேட்கை கண்ணுக்கு அழகளிக்கும்.மேனியில்
மயக்கமடைந்த நெஞ்சம் வாழ்க்கைக்கு தாங்காது.
நேசமே ஞானமேன கற்றோர் வாழும் பலர்.

உடலழகும்,பொருலழகும் தேடும் மனங்கள்
ஏழையின் நிலையை நினைக்கவில்லை.மங்கை
என்றாலே பருவமடைய கல்யாணம் எனும் கனவு
மரத்தின் தளிராகிறாள்.முறையான இன்பம் மறைய
பிழையான பாதை வழி நடக்கும்
சமுதாய கலாசாரத்தை சிந்திக்க நெஞ்சங்களே....!!!!!

அடடா இன்றைய சமூக அவலங்களை தோலுரித்து காட்டி இருக்கிறீர்கள். 

லைக் செய்தேன்.  

சிறப்பு கவிதைக்கு தேர்ந்தெடுக்கப்பட்டு உள்ளது. 



#spp1

கவிதைக்கு பாராட்டுக்கள்!