ஊட்டி மலர் கண்காட்சி பார்வையாளர்கள் பரவசம் !

ஊட்டி:ஊட்டியில் நடந்த மலர் கண்காட்சி,
பார்வையாளர்களை பரவசப்படுத்தியது.

-
நீலகிரி மாவட்டம், ஊட்டி அரசு தாவரவியல்
பூங்காவில், மூன்று நாட் கள் நடக்கும் மலர்
கண்காட்சி, நேற்று துவங்கியது.
-

வெலிங்டன் எம்.ஆர்.சி., ராணுவ இசைக் குழுவினரின்
அதிர வைக்கும் பாண்டு, வாத்திய இசைக்கு மத்தியில்,
துவக்கி வைக்கப்பட்டது.

தொட்டிகளில் தயார்படுத்தப்பட்ட மேரி கோல்டு,
பிரஞ்சு மேரி கோல்டு, ப்ளாகஸ், பெட்டுனியா,
பேன்சி, டையான்தஸ், பெகோனியா, டேலியா,
பால்சம், ரெனன்குலஸ், வயோலா, அஜிரேட்டம்,
கேலண்டுலா, கிளாடியோலஸ், லில்லியம்,
சன் பிளவர், சப்னேரியா உட்பட, 196 வகைகளை
சேர்ந்த மலர்கள், பார்வையாளர்களை கவர்ந்தன.
--
ஒரு லட்சம் கார்னேஷன் மலர்களால், 68 அடி நீளம்,
10 அடி அகலம், 30 அடி உயரம் கொண்ட, சென்னை
சென்ட்ரல் ரயில்வே ஸ்டேஷன் கட்டடத்தின்
மாதிரி தோற்றம்,
-
30 ஆயிரம் கார்னேஷன் மலர்களை
கொண்டு, 10 அடி நீளம், 6 அடி உயரம் கொண்ட,
சிட்டுக் குருவிகளின் வண்ண தோற்றம் பிரமிப்பை
ஏற்படுத்தின.
-

-

-

-

வெளிநாடுகளில் இருந்து இறக்குமதி செய்யப்பட்ட, அரிய வகை மலர் செடிகளின் காட்சி அமைப்பும், ஹாலந்து நாட்டில் இருந்து தருவிக்கப்பட்ட துலிப் மலர்களும், ரசிக்க வைத்தன. பல்வேறு அரசு, தனியார் துறைகளின் காட்சி அரங்குகள், இடம் பெற்றிருந்தன.

சிறந்த பழத்தோட்டம், ரோஜா, காய்கறி, பூந்தோட்டம் அமைத்ததற்கான போட்டியாளர்கள் தேர்வு செய்யப்பட்டு, நாளை மாலை நடக்கும் நிறைவு விழா வில், 70 சுழற்கோப்பைகள், 660 பரிசுக் கோப்பைகள் வழங்கப்பட உள்ளன.

தினமலர்