பாலியல், தாக்குதல் வழக்கில் கைதான 2 ஆம் ஆத்மி எம்எல்ஏக்கள் ஜாமீனில் விடுவிப்பு

-
பாலியல் மற்றும் தாக்குதல் வழக்குகளில் கைது செய்யப்பட்ட, ஆம் ஆத்மி எம்எல்ஏக்கள் அமானத் துல்லா கான் மற்றும் சோம்நாத் பாரதி ஆகியோர் ஜாமீனில் விடுவிக்கப்பட்டனர்.

டெல்லியில் அகில இந்திய மருத்துவ அறிவியல் கல்வி நிறுவன (எய்ம்ஸ்) பாதுகாவலர்களை தாக்கியதாக ஆம் ஆத்மி எம்எல்ஏ சோம்நாத் பாரதி நேற்று காலை கைது செய்யப்பட்டார்.

‘கடந்த 9-ம் தேதி டெல்லி கவுதம் நகரில் எய்ம்ஸ் மருத்துவ மனையின் சுற்றுச்சுவர் பொது இடத்தில் ஆக்கிரமிக்கப்பட்டு கட்டப்பட்டதாகக் கூறி, சுமார் 300 ஆதரவாளர்களையும், ராட்சத இயந்திரங்களையும் பயன்படுத்தி, இடித்துத் தள்ள சோம்நாத் முயன்றதாகவும், அதனைத் தடுக்க முற்பட்ட எய்ம்ஸ் பாதுகாவலர்களை தாக்கியதாகவும், சோம்நாத்துக்கு எதிராக புகார் கூறப்பட்டது.

டெல்லி ஹவுஸ் காஸ் போலீஸ் நிலையத்தில் அடைக்கப்பட்டி ருந்த சோம்நாத்தை 14 நாள் காவலில் வைத்து விசாரிக்க டெல்லி மெட்ரோபாலிடன் மாஜிஸ் திரேட் நீதிமன்றத்தில் போலீஸார் மனுத்தாக்கல் செய்தனர். இம் மனுவை நிராகரித்த நீதிபதி அனுஜ் அகர்வால், சோம்நாத் பாரதியை ஜாமீனில் விடுவிக்க உத்தர விட்டார்.

அதேபோல், உறவுக்கார பெண் ணுக்குப் பாலியல் தொல்லை கொடுத்ததாக கைது செய்யப்பட்ட மற்றொரு ஆம் ஆத்மி எம்எல்ஏ வான அமானத்துல்லா கானையும், ஜாமீனில் விடுவிக்க டெல்லி நீதிமன்றம் நேற்று உத்தரவிட்டது.
-
தி இந்து