தடி ஊன்றும் எழுதுகோல் தொடர் கவிதைகள் 9--முஹம்மத் ஸர்பான்

by mohammed sarfan Tue Dec 20, 2016 9:54 am

81.அழிந்த சுவடுகள் நினைவை மறக்கின்றது
அழியாத சுவடுகள் மரணத்தை வாங்குகின்றது

82.காலுடைந்த கதிரைகள் வீரமாய் நிற்கின்றது
காலிருந்தும் மனிதன் கோழையாய் ஒளிகின்றான்

83.சிரிக்கும் போது இதழ்கள் பேசுகின்றது
அழுகின்ற போது கண்கள் கூசுகின்றது

84.விபச்சார அறையில் கற்புகள் விலைப் பொருள்
விபச்சார முன்றலில் சிலைகள் காட்சிப் பொருள்

85.நாகரீக உலகில் நாளை பிறக்கும் சேயும்
தாயின் மருமத்தில் மதுபானத்தை அருந்தக் கூடும்

86.ரோஜாக்கள் முளைக்காத தேசத்தில் பெண்கள்
தண்டில் பறிக்காத பூக்களாய் காக்கப்படுகின்றனர்
ரோஜாக்கள் குவிந்திடும் தேசத்தில் பெண்கள்
தண்டில் நிலைக்காத இலைகளாய் தாக்கப்படுகின்றனர்

87.சிலையின் நிர்வாணமும் சிலரின் கண்ணில் படுவதால்
ஆணுறைச் சந்தையின் இலாபம் உச்சம் தொடுகிறது

88.தேகத்தில் பட்ட தீக்காயம் தளம்பாய் மாறியும்
மனதில் பட்ட சொல் காயம் இன்னும் ஆறவில்லை

89.பொழுதின் நித்திரையில் நினைவின் மாத்திரைகள்
மூன்று வேளையும் நஞ்சாய் குருதியில் கரைகிறது

90.என்னை விட தோற்றத்தில் பெரிதாகும் நிழல்
இம்மையில் செய்த பாவத்தை உரைக்கின்றது