தலைமை செயலர் ராம மோகனராவ் வீட்டில் வருமான வரித்துறையினர் சோதனை : ரெட்டியுடன் தொடர்பா?

by rammalar Thu Dec 22, 2016 7:24 am

-
சென்னை:
தமிழக அரசின் தலைமை செயலர் ராம மோகனராவ் வீட்டில்
வருமான வரித்துறையினர் சோதனையில் ஈடுபட்டுள்ளனர்.
சென்னை அண்ணாநகர் மேற்கில் உள்ள அவரது வீட்டில்
இன்று காலை முதல் சோதனை நடைபெற்று வருகிறது.

தமிழ்நாட்டில் ஒரு தலைமை செயலர் வீடு சோதனைக்கு
ஆளாவது இதுவே முதல் முறையாகும். சேகர் ரெட்டியிடம்
கிடைத்த ஆவணங்கள் அடிப்படையில் மோகனராவ் வீட்டில்
சோதனை நடைபெறுவதாக தகவல் வெளியாகியுள்ளது.

வருமான வரித்துறை சோதனைக்கு ஆளான சேகர் ரெட்டிக்கும்,
தலைமை செயலர் ராம மோகனராவுக்கும் தொடர்பு உள்ளதாக
தகவல்கள் வெளியாகியுள்ளது. மேலும் சேகர் ரெட்டிக்கு மணல்
ஒப்பந்தம் கிடைக்க காரணமாக இருந்தவர் ராம மோகன ராவ்.
ராம மோக ராவ் தொடர்பால் தான் ரெட்டி உச்சத்துக்கு வர
முடிந்ததாக தெரிகிறது.

ராம மோகன ராவ் யார்?

மூத்த ஐ.ஏ.எஸ். அதிகாரி பலரையும் பின்னுக்கு தள்ளி
தலைமை செயலர் பதவி பெற்றார் ராவ் மோகன ராவ். சீனியாரிட்டி
அடிப்படையில் 20-வது இடத்தில் இருந்த ராவ் பதவி பெற்றது
பலரையும் ஆச்சரியத்தில் ஆழ்த்தியது.

மூத்த அதிகாரிகள் பலரையும் தாண்டி ராவ் தலைமை செயலர்
பதவி பெற்ற போதே சர்ச்சைகள் உருவாகியது குறிப்பிடத்தக்கது.

மணலும் ராம மோகனும்!

தமிழ்நாட்டில் மணல் குவாரிகள் மூலம் கோடிகளை குவிக்கலாம்
என்பதற்கு வித்திட்டவர் ராம மோகன ராவ். 1990-ம் ஆண்டுகளில்
அன்றைய செங்கற்பட்டு மாவட்ட ஆட்சியராக ராம மோகனராவ்
இருந்தார். மணல் எடுக்க அனுமதி தருவதன் மூலம் பணம்
பெறலாம் என ஆட்சியாளர்களுக்கு சொல்லியவர் ராம மோகன ராவ்.

ராம மோகனராவ் உருவாக்கி தந்த திட்டம் மூலமே மணல் குவாரிகள்
அரசு வசமானது. மணலை வியாபார பொருளாக்கி பல்லாயிரம்
கோடி புரள செய்த பெருமை ராம மோகன ராவுக்கு பெரும் பங்கு
உண்டு.
-
------------------------------------
தினகரன்