கூவத்தூரில் பரபரப்பு : ரிசார்ட்டில் இருந்து எம்.எல்.ஏ.க்கள் வெளியேற போலீஸ் உத்தரவு; மின்சாரம் துண்டி

பிப்ரவரி-15
-
சென்னை:

கூவத்தூர் தனியார் விடுதியில் இருந்து எம்.எல்.ஏ.க்கள்
வெளியேறுமாறு போலீஸ் உத்தரவிட்டுள்ளது.

சட்டவிரோதமாக ரிசார்ட்டில் தங்கியுள்ளதால் உடனே
வெளியேறுமாறு போலீஸ் வலியுறுத்தியுள்ளது. ரிசார்ட்டை
சுற்றி கைத்தடிகளுடன் 600 போலீசார் குவிக்கப்பட்டுள்ளதால்
பதற்றம் நிலவி வருகிறது.

விருப்பப்படியே ரிசார்ட்டில் தங்கி இருப்பதாக கூறி
எம்.எல்.ஏ.க்கள் மறுப்பு தெரிவித்து வருகின்றனர். வெளியேற
மறுக்கும் எம்.எல்.ஏ.க்களுடன் போலீஸ் அதிகாரிகள் தொடர்ந்து
பேச்சுவார்த்தை நடத்தி வருகின்றனர்.

அதிமுக எம்எல்ஏக்கள் கடந்த 7 நாட்களாக கூவத்தூரில் உள்ள
தனியார் நட்சத்திர ரிசார்ட்டில் சசிகலா ஆதரவாளர்களால் தங்க
வைக்கப்பட்டுள்ளனர்.

மின்சாரம் துண்டிப்பு
-
கூவத்தூரில் எம்.எல்.ஏ.க்கள் தங்கியுள்ள தனியார் விடுதியில்
மின்சாரம் துண்டிக்கப்பட்டுள்ளது. இதனால் கூவத்தூரில் பெரும்
பரபரப்பு ஏற்பட்டுள்ளது.
-
--------------------------------------------
தினகரன்