செங்கம் அருகே 64 வயது மூதாட்டி கண்கள் மற்றும் உடல் தானம் : கிராம மக்கள் நெகிழ்ச்சி

செங்கம்:
செங்கம் அருகே இறந்து போன 64 வயது மூதாட்டியின் கண்கள்
மற்றும் உடல் அவரது விருப்பப்படி தானமாக வழங்கப்பட்டது.

தேக்கவாடி கொல்லக்கொட்டாய் பகுதியை சேர்ந்த மூதாட்டி
ரத்தினம்மாள் தனது இறப்பிற்கு பின் கண்கள் மற்றும் உடலை
தானமாக வழங்க முன்வந்து வேலூர் அரசு பொது மருத்துவக்
கல்லூரி மருத்துவமனையில் பதிவு பெற்றிருந்தார்.

நேற்று அவர் மரணமடைந்ததையடுத்து ரத்தினம்மாளின்
உறவினர்கள் மருத்துவர்கள் குழுவை வரவழைத்து கண்கள்
மற்றும் உடலை ஒப்படைத்தனர்.

படிப்பறிவு இல்லாத ரத்தனம்மாளின் உடலுறுப்பு தானம்
அப்பகுதி மக்களிடையே நெகிழ்ச்சியை ஏற்படுத்தியது.
ஒவ்வொருவரும் தங்களது உடல் உறுப்புகளை தானம் செய்ய
வேண்டும் என்பதற்கு அவா் ஒரு எடுத்துக்காட்டு என கிராம
மக்கள் நெகிழ்ச்சியுடன் கூறினர். -

-------------
-தினகரன்