சப்--கலெக்டரை காதல் திருமணம் செய்கிறார் காங்கிரஸ் எம்.எல்.ஏ.

-

திருவனந்தபுரம்:
கேரள முன்னாள் சபாநாயகர் கார்த்திகேயன் மகன்
சபரிநாதன். தந்தை இறந்த பின்னர் சபரிநாதன்,
அருவிக்கரை தொகுதியில் நடைபெற்ற இடைத்தேர்தலிலும்,
அதை தொடர்ந்து நடந்த பொதுத்தேர்தலிலும் போட்டியிட்டு
வெற்றிபெற்றார்.

இந்நிலையில் தொகுதிக்கு உள்பட்ட ஆரியநாட்டில் நடந்த
பொதுக்கூட்டத்தில், அவர் தனது திருமண அறிவிப்பை
தொண்டர்கள் மத்தியில் வெளியிட்டார்.

திருவனந்தபுரம் சப்- கலெக்டர் திவ்யாவை காதல் திருமணம்
செய்யப் போவதாகவும், திருமண தேதியை இரு வீட்டாரும்
கலந்து பேசி அறிவிப்பார்கள் என்றும் கூறியுள்ளார்.

இதை தொகுதி மக்கள் வரவேற்றுள்ளனர்.திவ்யா
ஒரு மலையாள சினிமாவில் நடித்துள்ளார்.

அது இன்னும் வெளியாகவில்லை. கடந்த தேர்தலின்போது
தேர்தல் விழிப்புணர்வு பிரசார பாடலை, அவரே பாடி
வெளியிட்டார்.
-
---------------------------------
தினமலர்