சாம்பியன்ஸ் டிராபி போட்டி: 124 ரன்கள் வித்தியாசத்தில் பாகிஸ்தானை வீழ்த்தியது இந்திய அணி

by rammalar Mon Jun 05, 2017 4:48 am

பர்மிங்காம்:

பாகிஸ்தானுக்கு எதிரான போட்டியில் இந்திய அணி
124 ரன்கள் வித்தியாசத்தில் வெற்றி பெற்றுள்ளது.

முன்னதாக டாஸ் வென்ற பாகிஸ்தான் அணி முதலில்
பந்துவீச்சை தேர்வு செய்தது. இதனையடுத்து களமிறங்கிய
இந்திய அணியில் ரோகித்-தவான் சிறப்பான தொடக்கத்தை
தந்தனர்.

இடையில் மழை குறுக்கிட்டதால் 48 ஓவர்களாக
குறைக்கப்பட்டது. இந்திய அணி 48 ஓவர்களில்
3 விக்கெட்டுகளை இழந்து 319 ரன்கள் குவித்தது.

இந்திய அணியில் அதிகபட்சமாக ரோகித் 91,
விராட் கோலி 81, தவான் 68, யுவராஜ் 53 ரன்கள் எடுத்தனர்.
இந்திய அணியில் 4 வீரர்கள் அரைசதம் அடித்து அசத்தினர்.

இதனையடுத்து 319 ரன்கள் எடுத்தால் வெற்றி என்ற
இலக்குடன் பாகிஸ்தான் களமிறங்கியது. இதனையடுத்து
மீண்டும் மழை குறுக்கிட்டது. டக் வொர்த் லீவிஸ் முறைப்படி
பாகிஸ்தான் அணிக்கு 41 ஓவர்களில் 289 ரன்கள் வெற்றி
இலக்கு மாற்றியமைக்கப்பட்டது.

இறுதியில் பாகிஸ்தான் அணி
33.4 ஓவர்களில் அனைத்து விக்கெட்டுகளை இழந்து
164 ரன்கள் எடுத்து தோல்வியடைந்தது.

பாகிஸ்தான் அணியில் அதிகபட்சமாக அசார் அலி 50,
முகமது ஹபீஸ் 33 ரன்கள் எடுத்தனர். அபாரமாக பந்து
வீசிய இந்திய அணியில் உமேஸ் யாதவ் 3, ஜடேஜா,
பாண்டியா ஆகியோர் தலா 2 விக்கெட்டுகளை வீழ்த்தினர்.
=
------------------------------
தினகரன்