சென்னையில் ரூ.6,402 கோடி செலவில் மோனோ ரெயில் திட்டம்: தமிழக அரசு

சென்னை:

சட்டசபையில் இன்று அரசின் கொள்கை விளக்க குறிபேடு
வெளியிடப்பட்டது.
-
சென்னையில் நாளுக்கு நாள் போக்குவரத்து நெரிசல்
அதிகரித்தப்படி உள்ளது. அதை நிவர்த்தி செய்ய பல்வேறு
நடவடிக்கைகள் எடுக்கப்பட்டுள்ளன.
-
அதன் ஒரு பகுதியாக மோனோ ரெயில் திட்டம் செயல்படுத்தப்படும்.
முதல் கட்டமாக பூந்தமல்லி - கத்திப்பாரா மற்றும் போரூர் - வடபழனி
இடையே மோனோ ரெயில் திட்டத்துக்கான பாதை அமைக்கப்படும்.
-
இந்த மோனோ ரெயில் திட்டத்துக்கு 6402 கோடி ரூபாய் செலவிடப்படும்.
அடுத்த 2-வது கட்டமாக வண்டலூர் - வேளச்சேரி இடையே மோனோ
ரெயில் பாதை அமைக்கப்படும்.

இதற்காக ரூ.22 ஆயிரம் கோடி செலவாகும் என்று மதிப்பிடப்பட்டுள்ளது.

இவ்வாறு அதில் குறிப்பிடப்பட்டுள்ளது.

சட்டசபையில் இன்று போக்குவரத்து அமைச்சர் எம்.ஆர்.விஜயபாஸ்கர்
பேசுகையில், “சென்னையில் பசுமை விமான நிலையம்”
அமைக்கப்படும் என்றார். இதற்கான இடம் தேர்வு செய்யப்பட்டு வருவதாக
அவர் கூறினார்.


---------------------------------------------
மாலைமலர்